أحلى شي صارلي اليوم بتاريخ 2022/8/8
گدرت أخلص بنت چانت معرضه للأبتزاز الألكتروني ..وحيل فرحانه أحس سويت أنجاز عظيم حققته ونقذت روح أنسانه لاحول ولا قوه إلها...
أحلى شي صارلي اليوم بتاريخ 2022/8/8
گدرت أخلص بنت چانت معرضه للأبتزاز الألكتروني ..وحيل فرحانه أحس سويت أنجاز عظيم حققته ونقذت روح أنسانه لاحول ولا قوه إلها...
البنت نشرت ستوري مخنوگه..معرفتي بيها قليله ترد ع ستورياتي وأرد ع ستورياتها ..هي من نفس جامعتي وأغلب صديقاتي صديقاتها..ف دخلتلها أسالها عن سبب حزنها وخنگتها !؟..فهي تعرفني وثقت بيه وفضفضتلي..قبل لتدخل جامعه داخله دورات للسادس وأكو شخص وياها أهتم بيها ويسأل عنها وعن دراستها ويصير صديق المدرس ألي يدرسها فنعجبت بي لأهتمامه بيها..ف بيوم من الأيام أعترفلها أنوا يحبها وشاريها بالحلال وافقت بي عرفها ع أمه وأخواته ف حست يمشي برأيي أمه أكثر من اللازم ..وثبت أحساسها بمكانه طلع خاتم بأيد أمه هو أبد ما أله أي قرار وأي كلمه ...وشخصيته ضعيفه ومهزوزه ..ف گلتله أنت من طريق واني من طريق متفاهمت وياك هذا أنجن وتخبل شنو لعد وحبنا وكذا وكذا ؟؟؟؟..گلتله ماگدر أكمل وياك ومو أول ولا آخر اثنين ينفصلون..گلها أنتي ألي وأني ألچ متصيرين لغيري ..وأذا متزوجتج ماخليچ تتزوجين غيري وصورچ وفيدواتج عندي وادزهن لأبوچ وأخوانچ..هي بعد شتسوي راحت أشتكت عليه بالمحكمه وأجتي أمه هددتها أذا متسحبين لشكوى أني أروح لأهلچ وافضحچ البنت صار خوفها أكثر وراحت سحبت الشكوى وخلصتها بچي ولا أكل ولا شرب متريده وتريد تتخلص منه وهو حطم حياتها ..عقله قافل وكرهته بسبب أفعاله بعد مستحيل ترجع نفس قبل تحبه وتحترمه ..ف گلتلها قضيتچ محلوله هو چان منتظر رد من عدها شوكت يجي يتقدملها وهي تصبره گلتله بس أفكر وأردلك الخبر فچانت فرصه عدنا ..خليتها تتصل ع خط الساخن وحولها ع الشرطة المجتمعيه وأخذوا الولد هو وأمه وفرمتوا فونه وأخذوا تعهد بأن ميتقربلها .. وإذا تقرب حينسجنون هو وأمه بقضية أبتزاز لمدة 7سنوات ..وطبعاً بقوا يبوسون رجل الضابط وماعاد يعيدوها ...ونسدت القضيه والحمد لله وأني وهي فرحنا بهالخبر وگدرت أنقذها منه لأن چانت تريد تقبل بي وتحطم حياتها وأكيد هو راسم خطه الانتقام منها ..والحمد لله ألي گدرت أساعدها
الانسان من يساعد شخص وينجح بمساعدته راح يحس ان اكو ثلج على گلبههنيالچ على الثلج بهذا الحر
موفقة يا رب
اي والله مي بارد نزل ع قلبي وقلبهاالمشاركة الأصلية كتبت بواسطة CaSpEr
الانسان من يساعد شخص وينجح بمساعدته راح يحس ان اكو ثلج على گلبه
أحب الأوقات المميزه
الوعي في العقول وليس في الأعمار ،فالأعمار مجرد عَداد لأيامك ، أما العقول فهي حصاد فهمك و قناعاتك فالحياة
عوض الله جميل.. أجمل من حلم قد يراود خيالك.. ليست مواساة للطبطبة على البائسين.. لا هي بالنسبة لي حقيقة أبصرتها وأرجو أن يبصرها كل اليائسين..
في أحدى الأيام الجميله
