مو ذنبي عفت ليلي
ورحت سهران وي ليلك
مو ذنبي عفت ليلي
ورحت سهران وي ليلك
لا ولــچ
يـ سنين عمري اشوي تهدي
وين حادي الشيب
مهتم بيچ يحدي.. ؟
ما گظن چلمات شوگي
هواي منهن بعد عدي..
لو يصح بيدي اْكلچ
للطفوله اردود ردي… !!
عبدالاله منشد
بـ ضحكات الچذب ،
تاليه ; ذاك .. الـ خلگه موشل
• زهراء الركابي
.
ولا هب النسيم وكلت مو انته
ولا صار الثلج واستاحشت سكته
ولا وديتلك نجمه وطحت عالباب يم دكته
فضيتك
الك مني عرش بلقيس والهدهد عرف بيتك
الك مني زوايا الماي من ايضيع يم نيتك
ولك يا لا .
أحبك كد المتاناه
أحبك كد حلاة الها
أحبك والوكت لبليس بس العدنه يم الله
.
.
عباس_الغالبي
.
العايف بروحي جرح ما سامحه
اي وحگ الدمعه ذيچ المالحه
الما يروف الچلمه ويخيطها زين
هذا كون يموت هم ما صالحه
ولايدگ باب العشگ دگت جهال
ولايجي يسولفلي عن البارحه........
ﯛبــآللــيــل آلـــشــتــة
يـــصـــيـــر الـــحـــزن ( حـــار )
دآفـــي يـآحــــزن للـــفــآرگ أثــنــيـــن ،
،
آلـــگـــاطـــع
فز بيه الندم فزت جفن كتال
ومشيت بظلمه خاف يبين البيه...
وانه شسويت
حتى انباك ضكاتي
وعذرها الناس حلوه عليه نواعيه..
الجرح من تعرض متونه يشوف الخير
ويضيك الدنيا بعين راعيه...
وهم يله
العتب لمظة سمه ومحﻻه يجي بوكته..
وهم يله
الضوه يلوح الصرايف والبيوت الطين
وبسطح القصر تنعاد سالفته..
وحتى الباكني يجوز بركبته عيال
عفته يدور وجه وكلت حلفته...
..
.
حسين ال حبتري
.
.
مابين
الضوه وشبّاچ
تلگه شگد عتب غافي
وحچاية
غصن لو مال
يلگه الراحة بـ چّتافي
.
.
اجيك عتاب فوك الريح واتنطر تلملمني
تغض عينك جنح زعلان ماجنك صرت مني
شنهي گلبك ؟
حتى ع العافوك حن
وشنهي صبرك ..؟
گاعد اتاني المواعيد الجزن
روح عيش
المنتظرهم عايشين
وذني العيون انسن
ناس ملتهيه بفرحها
وناس ملتهيه بحزنها
وكل الگلوب التهن
روح
بس تنسى جرحهم
إحسب جروحك گضن
ياا غريب إرضى بقسمتك
عيش وحدك لا تدورلك وطن
علي عجيل
