يبرحي شرطّبك
والشمس من سنين ابد ماجاست خيالك
ياعثگ الظفاير يامتن شالك
عقيل العرد
يبرحي شرطّبك
والشمس من سنين ابد ماجاست خيالك
ياعثگ الظفاير يامتن شالك
عقيل العرد
جره هواي الدمع عن وادم شويه!!!
أندم والندم بعديش !!!!
من شح الدمع بيه
نشف كترين ونطمن سواجيه
تره حتى الغرب نيه
الغريب ابيته هم يصير
اذا مايلكه حنيه
حسين العميدي
من رحلتو بليل جان الهم دليل
چان گلتو الشوگ اخذنه !
لعشگ
ثاني؟
وبالعجل عفناه دربكم
غير أفتهم شتريد روحي أم ألف راي
ناظم الحاشي
العمر من فارگتني انباگ ..
و انمصخت حلاة البيه و تلاشه
العمر نصه نوايه و كل طعم ما بيه
عالي يريدله حياشه ..
الوكت عزك عليه ولا فرشلي وياك
و انه بگيت مثل الماي طينه يصيرله افراشه ..
محسن الخياط
وأنت
يالجنك سراب
شما اجيك بلهفتي
تبتعد
مو كل دمع مذموم ونفسره مو زين
دمع الفرح لو طاح بي لذه للعين
منو الما بي تعب وأشكيله حزني
يربي الناس تشبهني !
• ضرغام العبادي.
امس شفت الخيانة بهاي الاعيون
امس ضحكو عليه المايضحكون
امس صرت بحلكهم علج وسنون
امس كل ذكرياتي اندفعن ابير او زليخه اتحزمت ويه اليدفعون
امس يا ويلهم لعبو لعب بيه
انة بيوم القيامه انتقم يوميه
شمالك ياجرح تكبر سد بابك حلاتك من ترد تزغر
علي_البديري
لاميت وزورك وقرة قرءان
ولا عايش وجيلك وكعد وياك
رحت مثل الغيوم العاليه التبعد
رحت مثل اليتيمة التنهب وتشرد
رحت مثل الجبان الخايف امنيهد
رجف كلشي
اصابيعي
صورنا
الرسايل هذيج الساكته اتحركت مثل ناعور بس تبجي
غشيم وماعرفت الها
رضيت لروحي ياهو الجان يشبع منها ويملها
علي_البديري