تجي ابالي
واجي من هناك
من ديرة عيوني تطيح ،،واتلكاك
تدوس بورد عمري
بلا گلب وتفوت
وادوس وياك فوك سنيني واتعده
احبك
والعتب ما واصل الجرفين
نهر يركض بحيله
وسكتتك سده
ارسمك بالضمير هلال
يوصل عيد روحي
وصدك يرده
سرك من رسمته بوجهي مابين
وسري من دفنته بگلبك تبدى
عقيل العرد
لم دربهم..!
بعد شمتاتي يگلبي..؟
الليله وحشه..
الليلة شدينه الرحال...!
ولاتناطر چف يعتك..
هاذ صوت الريح يدوي
شتلتفت مامش تعال...!!
لـــِ كاظم العطشان
وهو هم حظي
صرت للناس مرجوحة..
صرت خيط وبقيت
بكيف كلمن تنزف جروحة..
بس آني الغشيم الملتهي وي الناس!
كلمن ملتهي بروحة..
لو صاير حبل للموت
چان الدنيا تخجل تعبر بعيني..
چان الخير خضّر من سناديني..
(غيري يخاف ما ينطي دمع للناس!)
وأنه بليلة شتا العشاگ
أطّشّر كل دفو سنيني..
من رادّوا يعبّرون لهذاك الصوب
من غبشة كَلّوا بجدامهم طيني..
أشگّگ روحي للناس
التشگّگ كل دواويني..
وخناجرّهم على جروحي
مثل عشّاگ يتّمشّون..
أشوف الناس
بس كوشة وفرح وأعراس
ما أدري السواد يصير من يا لون..
أغبّش هزة للكاروك
والّهث بالجنازة متون..
مشكلتي
أحب الناس كلها وهمه ما يدرون..
مشكلتي
لأن شايل بگلبي عيون..
أني مربّي شعر للناس
وهي الناس
ربّت على جروحي سنون!
ادهم عادل
وجع وحشه
وظما ايفتت
أناشغ والدموع اتكت
شاورني الجرح عوفه
وكَلتله اسكت
لــِ عبد الكريم القصاب
عساكم
باليرخصكم
مثل ما رخصيتوا
دموعي وگليبي...!!
لــِ ازهر كريم
ومرت ايام ونسونه
وبرد
شــوگ الچان يچوي
وگطعو السچه
التودينه عليهم
واحنه ياحيرتنه حيره
لانـسـينه ولاگدرنا نـعود ليـهـم
شيرخص من الدنيا
لو ماكو زعل ونبات ليليه اعله اديهم
لــِ احمد المرشدي
إموجر بـ گلبي الدهر ،
وإترآدفـن عِله إعله عِلـه ..
#عريان_السيد
المن اشكي...
الدنيا باگت مني كلشي اگبال ناسي وما حموني..
صدگتهم صافحوني..
وشرعو بيبان بيه وگصتي گام اتغم بديه وفرهدوني..
المن اشكي...
وأنه عايش عيشة مصلايه عدهم
ذبو اذنوب اعله صدري وطبگوني
يكفرون وابقه بس استغفرلهم..
تالي همة اتعوذوني..
حرموني ادخل گلبهم ولغدرهم حللوني...
محمد الدراجي
گذلة صليب
توسمت منك سوالف
بيها فرگه وبيها جان الهوه شامت
ياخذ بعطر الوداع لرية الشمات شهگه
جنت تدري بروحي الك واحت گرنفل
وين ماوليت ريتك راح تشتمني عله كيفك
وين ماتيهت جدمك
تلگه بعيوني مسافه وجم محطه متاني جيتك
ابحر شما حله بعينك
رجفت رموشك شراع
ونيت خدودك سمار وفرت جدامك وداع
#ضياء_كريم
اروحن واجي بدربي ومالي بالناس
بدرب واحد عشت مثل المراجيح!!
