وداعت التنشف لهاتي
من اگول وداعته
طاحت من عيوني
وادم گد هوه الله وعازته
بيـين الصدگ بصحبته وطلع گد حچايته
وبيـين المابي محنه وكشخ بـ المومالته
وبيـين الـ من شافني اثغب ملش إعلي هامته
الدنيا منخل ناس ثاري المالحه تكض والتطيح الباهته
الماحزن وي حزن ربعه ومولحت دشداشته
هذا يستاهل الصحبه؟؟
اعليك امشي الهوسو بعمامته
اعليك أمشي الـ من تگنطر صلت إعلي رايته
اعليك امشي الضعن ذاك الفارجو حدايته
شنهي رايك بالگلتهن؟؟
صدگ لو تحسبها چلمه وفايته
المايجازي العشره باچر من يموت
محد يطر زيجه فوگ جنازته
#مرتضى حرب
عـمـري لـيـل
وتعثر الغبشه عله شوفي
وانه والصفنه جسد وهدوم نار
وغـابـة احـلامـي
مفاتيحي العتيگه
الـمـارهـم واحد ولو غلطه اعله بيبان النهار
يظل لابسني الحزن
وايامي شجره
ويابسه ابستان نار
لـ #عبد_الساده_العلي
تانوني الصبر ينهاب
اذا بي جيه للغالي
خلوني اريد اشتاك
حد ما ينسطر بالي
#ذيــاب_كــزاز
ردت أغنيـلـك و گطعو كـل وتـر
غافـلـتـهـم و أعزفـتـلـك ع ألـضـلـع
كاظم_خبط ..!
شكثر سولفت للشمعات
بلكي تجيب طاريهم…
شكثر وصّيت
حتى المالهم خبرة وعرف بيهم...
شكثر فوگ النهر خلّيت
چم دمعة ورسايل شوگ
واتعذّرني ساعي الماي
مايندل شواطيهم…..
شكثر ..وشكثر
لمّن راحن ويه الروج
دمعاتي ورسايلهم واساميهم…
ميثاق الهلالي....
من تصــير
اخــيوط روحــكـ
تصــبح ايـــامـكـ #أبــــر
تخــــيط بصـوتكـ سـكوت
وتشـــبر بعـــمرك شــــبر.!!
يدولاب
العمر دني الثلاثين
تراني إعله الشباب الحين زعلان
صاحب الضويري
لجن كلبي رجيج ومن تجي ردود
عيوني تريد توكع من تشوفك
-كاظم خبط
هيه مقسومتلـي هاي العيشه گوهَ ْ
وماحچيت
وﻻ عشت دور اليسافـر
وﻻ لگيتِ آبنادم يكلي بطيتِِ
حسين الحبتري️
گضينه الراح فرگة...
شينگضي الجاي...؟!
قصيدة وما لگت شاعر ولا ناي...
-ڪاظم الرويعي
