هنا

[هيثم الغراوي]

هل امنتي بأن الخطوبة من شخص ع النت هو مشروع فاشل، ؟ لأنه ربما تركتي درس يتعلمه الأعضاء
ماذا تقولين بشأن ذلك؟

[ملكةه]

اهلا نفوسه
نورتي حبي
الله يعينك هي زنوبة ماتقصر و سام زودها
..
انطباعك عن مكلاويه وافتخر بسطر او سطرين؟

شهالصيت عليه
شفتوني ااتواجدج نشرت الموضوع وطلعت وهسه رح اطلع

[فقار الكرخي]

ماتحملت ابقه لليل
كلت خل اجي اكتهن وارجع بليل بكم سؤال .

نفس
1. تعتقدين اكو واحد صدك يعتقدج نفس اله

2 . ليش الله ما خلة انبياء من النساء بنظرج

3 . كم ركعة نصلي باليوم . الواجبة والمستحبة

4 . من تطلعين . هم محفحفه وحاطه مكياج . لو مشوربة

5 . انطيني رأيج وبدون مجاملة ب
راهب
شيفرة دافنشي
فتاة من ذهب
جنات
بنوتة فيكه

6 . وزنج طولج

7 . تسلسلج بين عائلتج

8 . نكدر نكول عليج ام بيت لو لا . يعني مثلا تخبزين تطبخين وترتبين . لو 24 ساعه معارك ويه الجهال

9 . ليش الأم دائما تشوف بنتها فاهيه . انتي هم تشوفج هيج

10 . من تروحين بعرس او قراية لو مناسبة . تحبين تضهرين نفسج لو لا خجوله وخاتله

11 . اذا شعرج كصيتي ولادي بأعتقادج راح تطلعين تشبهين منو من المشهورين

12 . اثبتت الدراسات ان .
الرجل اكثر خجلا من المرأه
تعليقج ؟

13 . هم رايحه الكربلاء مشي . وبيا سنه

14 . انتي شنو مستفادين منج اهلج

15 . ليش البنات يحبن الفلوس والسيارات والشهرة

16 . ابوج شنو يشتغل

17 . ليش اكثر البنات عايشات مظلومات ومعانات ومحرومات . حسب قولهن

18 . اكو شي بداخلج احسج تخفي عن الناس . صح او خطأ

19 . اذا اعيش حياتج . بنظرج اعيش مرتاح لو مشلوع كلبي

20 . ليش اكثرهن . اجوني خطابة . ابن عمي يريدني . خطبوني ومقبلت وووووالخ هذا بنظرج شنو خوف من المستقبل لو هن يحبن يجذبن











طبعا جي اريد اطلع هذني كتبتهن عالسريع
عود من ارجع بليل اني اعلمج




مشكورة عالاجوبة مقدما

[dr.Nafes]

هل امنتي بأن الخطوبة من شخص ع النت هو مشروع فاشل، ؟ لأنه ربما تركتي درس يتعلمه الأعضاء
ماذا تقولين بشأن ذلك؟

لا مو فاشل نهائيا بس لازم تتعرف عليه قبل الخطوبه اكثر احتمال متتراهمون تكونون ازواج بالمستقبل من تشوفه هو يناسب شخصيتك ساعتها يجيك القرار تكمل بقية حياتك وياه ..بس تبقى شغلة وحده الافضل انو يكون من محافظتك حتى تكدر تلتقي بي وتشوفه وتعرف عن حياته وتكدر تسال عليه ..

[ملكةه]

هلا حبيبي نورتي
الله يعينج على زينب وسام وفقار هوواي يسئلون حيتعبوج
شكرا زنوب

لج حظها حلو عندي طلعه هسه مشغوله كلش بلكوه ادخل

[ملكةه]

لو كان خطيبك السابق يتابع الموضوع شتحبين تكولين له

اعتذر ع سوال اذا سبب لج ازعاج

وهسه يله بيباي من هسه اكولكم انتضروني باجر بحلقه جديده
شفتي حظج شلون حلو خلصتي من اسئلتي

[فقار الكرخي]

لو كان خطيبك السابق يتابع الموضوع شتحبين تكولين له

اعتذر ع سوال اذا سبب لج ازعاج

وهسه يله بيباي من هسه اكولكم انتضروني باجر بحلقه جديده
شفتي حظج شلون حلو خلصتي من اسئلتي

معليج زنوب روحي اطلعي وتونسي
اني بليل ماعندي شي
اليوم اله اخليها تثرم كرفس هنا

[هيلــه]

باقة ورد لمن تهديها.....؟
باقة شوك لمن تهديها...؟

اسوء خبر سمعته.......؟
شخص لا ترفض له طلبا....؟
ما هى التجربه التى تتمنى تكرارها....؟
من هو توام روحك......؟
ما هو اكثر شىء تخشاه.....؟

[dr.Nafes]

ماتحملت ابقه لليل
كلت خل اجي اكتهن وارجع بليل بكم سؤال .


نفس
1. تعتقدين اكو واحد صدك يعتقدج نفس اله
اي ..اكو
2 . ليش الله ما خلة انبياء من النساء بنظرج
يدري بيهن وبسوالفهن..لا صدك عندك الزهراء سلام الله عليها احسن من 1000 نبي
3 . كم ركعة نصلي باليوم . الواجبة والمستحبة
الواجبه اكيد 5 وبين كل فرض صلاة الشكر هاي تكون مستحبه..
4 . من تطلعين . هم محفحفه وحاطه مكياج . لو مشوربة
يي محفحفه واخلي مكياج
5 . انطيني رأيج وبدون مجاملة ب
راهب: كلش حلو حجاياته وينكت هواي ودمه عسل عمو راهب
شيفرة دافنشي: دكتور عمر طيب ^-"
فتاة من ذهب:صفاوي ذهب من صدك وردة
جنات: صديقه رائعه دائما تنصحني باشياء يمكن اجيت افقد حياتي بيها احبها كلش
بنوتة فيكه: وزة بعد تجنن من صدك هي وبت عمها

6 . وزنج طولج
وزني يهمل يفشل اما طولي 161

7 . تسلسلج بين عائلتج
الكبيره*-*
8 . نكدر نكول عليج ام بيت لو لا . يعني مثلا تخبزين تطبخين وترتبين . لو 24 ساعه معارك ويه الجهال
اخبز صارلي 4 سنوات ^-^ وانظف البيت طبعا ..لا ههههههه ممتعاركه

9 . ليش الأم دائما تشوف بنتها فاهيه . انتي هم تشوفج هيج
اممم امي مدللتني مخليتني ع راحتي واكيد رح افهي بهواي شغلات
10 . من تروحين بعرس او قراية لو مناسبة . تحبين تضهرين نفسج لو لا خجوله وخاتله
لا موخجوله اذا احد اقاربنه مااخجل بس اذا بعيد عنه شوي مستحيه لان عرس غربه لازم اثكل
11 . اذا شعرج كصيتي ولادي بأعتقادج راح تطلعين تشبهين منو من المشهورين
نادين نجيم ^-^
12 . اثبتت الدراسات ان .
الرجل اكثر خجلا من المرأه
تعليقج ؟
جذابين كل خجل ماعنده بس اكو بيهم فعلا خجولين نسبة قليله..
13 . هم رايحه الكربلاء مشي . وبيا سنه
كل سنه اروح الحمد لله ^-^
14 . انتي شنو مستفادين منج اهلج
الله وكيلك نفسي اعرف شمستفادين مني بس الي تأثير من اجوع ومن يعلى صوتي ومن اكتل اخواني
15 . ليش البنات يحبن الفلوس والسيارات والشهرة
مو كلهن *-^
16 . ابوج شنو يشتغل
مفوض..
17 . ليش اكثر البنات عايشات مظلومات ومعانات ومحرومات . حسب قولهن
لان اكو نماذج متخلفه ميخلون البنات ياخذون حقهن من هاي الدنيا ..
18 . اكو شي بداخلج احسج تخفي عن الناس . صح او خطأ
اكو اشياء مو شي ..مو لازم كلشي نظهره للناس عزيزي^-^
19 . اذا اعيش حياتج . بنظرج اعيش مرتاح لو مشلوع كلبي
اعتقد تعيش مرتاح نوم واكل ونت شتريد بعد
20 . ليش اكثرهن . اجوني خطابة . ابن عمي يريدني . خطبوني ومقبلت وووووالخ هذا بنظرج شنو خوف من المستقبل لو هن يحبن يجذبن
اكو بيهن خوف ومنهن اني سبب من اسباب فصختي مكدرت اتحمل فكرة المسؤليه والزواج بذاته اعتقد يقيدني واني ماحب اتقيد..واكو مثل مدكول يجذبن










طبعا جي اريد اطلع هذني كتبتهن عالسريع
عود من ارجع بليل اني اعلمج




مشكورة عالاجوبة مقدما

هاي كلها وبعد رح تسأل حرام عليك *-*

[dr.Nafes]

لو كان خطيبك السابق يتابع الموضوع شتحبين تكولين له

اعتذر ع سوال اذا سبب لج ازعاج

وهسه يله بيباي من هسه اكولكم انتضروني باجر بحلقه جديده
شفتي حظج شلون حلو خلصتي من اسئلتي

كلشي ماكله ^-^