اشبكني حيل ارد اكبر بعصرتك
صدر الحمام و لون عینک سوه
نور الشمس طین امنقیسک ضوه
همست اشفافک تستفز النخل
یثمر او ما یلحگ یکون نوه
کل ما اشمن رگبتک اکتشف
الچنت اشمه ابغیبتک مو هوا
اغفه او اصد اعیوني عن کل حلم
کل طیف ما بي صورتک ینطرد
کون ابحطب نمرود وتزکرک
اگعد وفزن میت امنل برد
یعرض زلال اعیونک ابصفنتي
کل ما شفت گطره نده اعله الورد
اشبگني حیل ارد اکبر ابعصرتک
غیرک ابریشه ایجیسني او انمرد
غیرک عزفلي او نشز او سولفت
الله او لن قرد المنفزد
شایف اخدودک من یمرهه الخجل
تطایر انجوم السمه امنل جلد
ضموک و انه استورحک عن بعد
حسبالهم هوا العطر ینحبس
لیلیه عینی اعله الصور تنچفي
وقسم علیهه ابشوفتک تنترس
ادنیت مره الوجنتک وافتخر
اول بشر غمس اشفافه ابشمس
اتحده واحد شافک او ما رکض
یشبگ عله امه ایصیح اریدن عرس
یا بو زلف ماخذ مکان الفجر
عازل صباح الخیر عن لیل امس
مشتاگ اشوفن وجهی چا ما تجي
ما تدري عود ابروحک امرایتي
مشتاگلک وتحده ذره هوا
ما لاعبه ابشعرک تطب ریتي
حزونی رادو طیحتک مادرو
هوا انته های الگطره الی ابگصتي
نهاد الخيكاني
رد مع اقتباس
