صفحة 1 من 2 12 الأخيرةالأخيرة
النتائج 1 إلى 10 من 15
الموضوع:

ايّام الأسبوع فى بغداد القديمة - سبعة أيام في العراق يوم كان العراق جنة

الزوار من محركات البحث: 41 المشاهدات : 1022 الردود: 14
جميع روابطنا، مشاركاتنا، صورنا متاحة للزوار دون الحاجة إلى التسجيل ، الابلاغ عن انتهاك - Report a violation
  1. #1
    من المشرفين القدامى
    بياض الثلج
    تاريخ التسجيل: September-2016
    الدولة: ❤ In his heart ❤
    الجنس: أنثى
    المشاركات: 17,452 المواضيع: 7,913
    صوتيات: 7 سوالف عراقية: 0
    التقييم: 9612
    مزاجي: ماشي الحال
    المهنة: موظفة
    أكلتي المفضلة: تشريب احمر
    موبايلي: نوكيا5
    آخر نشاط: 23/May/2020

    ايّام الأسبوع فى بغداد القديمة - سبعة أيام في العراق يوم كان العراق جنة

    حاول تحبس دموعك ، هذا منشور يوصف حياة المجتمع العراقي خلال سبعة أيام من الأسبوع ايام زمان يوم كانت العطلة الاسبوعية الجمعة فقط چانت أكو عادات وتقاليد مرتبطة بأيام الأسبوع يمارسها العراقيون والبغداديون توارثت عندهم جيلاً من بعد جيل ، منها تقاليد ما زالت باقية ومنها راحت وأخذت أهلها الطيبين وياها ، أيام كانت الناس عايشة عالفطرة واعتقد غالبيتنه عايشيها وشايفيها وبعدها محفورة بالذاكرة ، راح ناخذها بالسرة

    يوم السبت
    چان يوم ثگيل لانه بداية دوام ، من چانوا الناس صدگ رايحين يداومون ويحللون خبزتهم ، لكن وره الظهر راح يختلف هذا اليوم ، كون أغلب أهل بغداد يروحون عصر يوم السبت يتباركون بزيارة الإمام موسى الكاظم ، من تروح قبل تزور ( أبو طلبه) تلگه هناك السني والشيعي ، تحضر الصلاة وتسمع الأدعية وتشوف النسوان توزع مراد ( حلال مشاكل ) ، وتشوف الناس البايتين الجايين من المحافظات گاعدين يطبخون وياكلون وملتمين بالصحن ، ولازم من تطلع من الإمام تروح تزور لسوك الأستربادي وسوك الذهب وسوك المسگف واذا أيام شته لازم ترجع وبيدك حلاوة الدهين

    يوم الأحد
    هذا اليوم تشوف بيه هواية أفراح ، لأن بهذا اليوم مراسيم الحنة اللي تسبق ليلة العرس بيوم الاثنين ، لأن المتعارف عليه عند العراقيين من باب البركة يكون الزواج عدهم يوم الأثنين أو يوم الخميس ، أيضاً يوم الأحد يوم مبارك عند المسيحيين ، تشوف المسيحيين إمبدلين والبنات حاطين حجاب على روسهن وملتمين باب الكنيسة ، لأن هذا اليوم هو يوم الصلاة ولحد الأن صوت الناقوس يرن بأذاننا يعلن بدء مراسيم الصلاة ، چنه نحترم الواگفين ونسلم عليهم ويردون علينه السلام ونمر من يمهم مرور الكرام


    يوم الأثنين
    يوم أعراس ويوم خفيف ، وچان عطلة الحلاقين يوم الاثنين يوم مبارك مثل يوم الخميس تلگه أكو ناس تصوم بيه ، وتلگه ناس يوزعون بي ثواب على أرواح موتاهم ، ونفس الشي تتكرر هذه العادات يوم الخميس من باب البركة

    يوم الثلاثاء
    يوم عادي ويوم ثگيل بطبيعته ، بس چان بيه شي واحد حلو برنامج الرياضة في اسبوع لمؤيد البدري والشئ الآخر وهو سوق الثلاثاء چان على أسمه وأتصور ان البعض كان يشعر بيه يوم منحوس ، ولهذا ما چان تصير بيه أي مناسبات

    يوم الأربعاء
    بهذا اليوم چانت الناس تروح تزور مقام الخضر بالكرخ ليلة الاربعاء ، يروحون يعلگون شموع ويطوفوهن بالشط بنية طلب المراد ، چان مقام الخضر ملتقى للعوائل قبل ، والأحلى ما بيه چانت رگبة البلم من ياخذك ويفرّك بالشط بالليل وأنت تشوف الأضوية الحمر والخضر والصفر عالصوبين معكوسة بنهر دجلة ، تاخذك الأمنيات والراحة النفسية وأنت تشتم ريحة الشط ولا أطيب ريحة بالكونيوم الأربعاء چان البغداديين معتادين يأكلون سمچ ، وهو موروث شعبي يگولون يكثّر الرزق ، وكذلك يتكرر بهذا اليوم مراسيم الفرح والحنة باعتبار الليلة حنته وباچر يزفونه ولا ننسى ارتباط الاربعاء بموعد عرض برنامج العلم للجميع لكامل الدباغ

    يوم الخميس
    كان البعض يسمونه عيد ميلاد إبليس
    يوم الخميس أنيس ودعوته ما تخيس ، يوم الأعراس والأفراح ببيوت العراقيين ، يوم الطلعة والمواعيد والسهر كلها چانت بيوم الخميس ، يوم خفيف ومحبوب وتكثر بيه هواية مناسبات حتى الشوارع تزدحم بيوم الخميس المحلات الأسواق النوادي كلها عامره بأهلها بهذا اليوم ، وتبقه بغداد منوره والحركة مستمرة لساعات متأخرة من الليل بإعتبار ثاني يوم عطلة وچان هذا اليوم يكثر بيه زوار سيد أدريس بالكرادة والشيخ معروف والشيخ عبدالقادر يوم بركة ويوم صيام ويوم ثواب الكل يتفائل بيه

    يوم الجمعة
    يوم اللمه والعطلة ، من چانت العطلة صدگ عطلة وچانت الها فرحة ، يوم الجمعة يوم السفرات ، ناس تروح لبلد للسيد محمّد ، وناس تقصد سامره تروح تزور الإمام علي الهادي ، وناس تروح لسد الصدور بديالى ، وناس تروح لسلمان باك ، وناس تروح لأثار عگرگوف ، وناس تروح تتغده مسگوف بالگريعات ، بهذا اليوم العراقيين يسيّرون على أقاربهم ، تلگه بيوتهم مثل المضايف الجاي متلگينه والرايح مودعينه

    الجمعة يوم الأكله المميزة ببيوت العراقيين ، أمهاتنه المعدلات يگعدن من الصبح يسوون باچه لو سمچ لو دولمة.
    طبعاً يوم الجمعة هو يوم الصلاة ، چانوا الناس يغسلون ويتعطرون ويلبسون دشاديشهم البيضه وعرقچيناتهم ويروحون للمساجد ، من چانت المساجد عامره وتشم بيها ريحة الصالحين ، من چانت المنابر تعلمك عالحلال والحرام وتدعو للمحبة ، من چانوا أهل الدين وجوهم تشع نور وإيمان ، وجوه باسمه وحلوة تحس بيهم صدك من أهل الله..

    ومن طقوس يوم الجمعة چانت العوائل العراقية تروح تزور ضريح الشيخ عبد القادر لان بهذا اليوم يسوون بيه ذكر ويوزعون خيرات ابو صالح ، وأكو ناس تروح تزور الإمام أبو حنيفة وحلاوة الروحه هناك من تطلع وتتعشه بمطعم ابو عرب عالشارع وتشوف الناس شلون روشه والسيارات والاضوية وقبلها صوت المأذن تكبر للصلاة ، ولازم تتمشه بشوارع الاعظمية وتفوت بشارع عمر بن عبد العزيز ، الله يا طيبة أهلها ونتذكر من عادات يوم الجمعة من چنه صغار چانت أمهاتنه لازم تسبحنه بيوم الجمعة ، لأن ثاني يوم دوام مدرسة ، وكثير من الأمور اللي تحن الها الذاكرة چانت بهذه الأيام السبعة ،أيام چنه لا نسمع بيها طائفية ولا نشوف قتل ، أيام چان يتقاسم بيها السني والشيعي والمسيحي والصابئي والأزيدي والكردي فرحته ، أيام چانت بيها السمه زرگه صافية وحلوة ، أيام چانت ريحة الأشجار والقداح والرازقي والشبوي تملي شوارع المحلة أيام أسبوعك يا رب بعدها ، أشجارك بعدها ، سماك بعدها ، بس ليش تغيرت بشرها !!؟؟
    إلهي ترى تعبنه ، إلهي رد فرحتنه ، صرنه غربه أبلدنه ، إلهي اشتاقينه لوطنه اللمة أهلنه ، أشتاقينه لرحمتك يا رب ، يا رب أرحمنه ، ولا ترحم اللي فرّق شملنه..

  2. #2
    من اهل الدار
    تاريخ التسجيل: May-2013
    الجنس: ذكر
    المشاركات: 5,161 المواضيع: 160
    صوتيات: 3 سوالف عراقية: 0
    التقييم: 13099
    موضوع راقي
    شكرا الج

  3. #3
    من المشرفين القدامى
    بياض الثلج
    انت الارقى نورت

  4. #4
    مدير المنتدى
    تاريخ التسجيل: January-2010
    الدولة: جهنم
    الجنس: أنثى
    المشاركات: 84,930 المواضيع: 10,515
    صوتيات: 15 سوالف عراقية: 13
    التقييم: 87195
    مزاجي: متفائلة
    المهنة: Sin trabajo
    أكلتي المفضلة: pizza
    موبايلي: M12
    آخر نشاط: منذ 6 ساعات
    مقالات المدونة: 18
    شكرا جزيلا قموره

  5. #5
    من المشرفين القدامى
    Om alzoz
    تاريخ التسجيل: October-2016
    الدولة: البصرة
    الجنس: أنثى
    المشاركات: 9,140 المواضيع: 73
    صوتيات: 1 سوالف عراقية: 1
    التقييم: 7135
    مزاجي: برتقالي
    المهنة: طالبة صيدلة
    أكلتي المفضلة: الدولمة
    موبايلي: Iphone x &7plus
    آخر نشاط: 4/December/2018
    رحنه وووين


    شكراً

  6. #6
    من أهل الدار
    تاريخ التسجيل: March-2016
    الدولة: النمسا
    الجنس: ذكر
    المشاركات: 1,871 المواضيع: 266
    صوتيات: 0 سوالف عراقية: 1
    التقييم: 3261
    مزاجي: حار مشمس, بارد ممطر
    المهنة: تصنيع كيمياويات
    أكلتي المفضلة: كباب
    موبايلي: سامسونك A7
    آخر نشاط: 27/April/2022
    مقالات المدونة: 2
    لو بيدي انطي الف تقييم، عاشت الايادي، كل شي ممكن يرجع مثل كبل لا وانما احسن لو جانت عدنه قناعة بأن احنه ادوات التغيير، بينه ينصلح العراق و بجهودنا ينبني.

  7. #7
    من أهل الدار
    نسمه رقيقه !
    تاريخ التسجيل: September-2014
    الدولة: heart of the sky
    الجنس: أنثى
    المشاركات: 9,009 المواضيع: 369
    التقييم: 3440
    موبايلي: .....
    آخر نشاط: 11/August/2020
    مقالات المدونة: 11
    الله شكد حلوة ايام زمان
    شكرا

  8. #8
    من المشرفين القدامى
    بياض الثلج
    اقتباس المشاركة الأصلية كتبت بواسطة Suzana مشاهدة المشاركة
    شكرا جزيلا قموره
    نورتي عمري سوزان الحلوة

  9. #9
    من المشرفين القدامى
    بياض الثلج
    اقتباس المشاركة الأصلية كتبت بواسطة دكتورة وطن مشاهدة المشاركة
    رحنه وووين


    شكراً
    اي والله نورتي حبي العسل

  10. #10
    من المشرفين القدامى
    بياض الثلج
    اقتباس المشاركة الأصلية كتبت بواسطة دكتور جميل مشاهدة المشاركة
    لو بيدي انطي الف تقييم، عاشت الايادي، كل شي ممكن يرجع مثل كبل لا وانما احسن لو جانت عدنه قناعة بأن احنه ادوات التغيير، بينه ينصلح العراق و بجهودنا ينبني.
    مرورك احلى تقييم تسلم ربي يحفظك
    اكيد بينه يتغير العراق بس للاسف الاوضاع من سيء الى اسوأ

صفحة 1 من 2 12 الأخيرةالأخيرة
تم تطوير موقع درر العراق بواسطة Samer

قوانين المنتديات العامة

Google+

متصفح Chrome هو الأفضل لتصفح الانترنت في الجوال