توضيح|| بخصوص فتح أستمارة التقديم للقبول المركزي،
طبعآ للمرة الاولى التعليم تفتح التقديم قبل أمتحانات الدور الثاني!
بالاعوام الماضية التقديم يبدأ بعد نتائج الدور الثاني ب10أيام تقرييآ،وبعد تحويل البيانات الخاصة بالطلبه ونتائجهم من وزارة التربية إلى وزارة التعليم،
عام(2016)بدأ بتاريخ(25/9)
2017بدأ بتاريخ(15/9).
والوزير أصر على تقديم الموعد حتى الطلاب يداومون بالجامعات من وگت!
▪طيب شلون تفتح التقديم قبل امتحانات الدور الثاني، يعني مافكرت الطالب يحير بقرايته لو بالتقديم؟! يعني ليش هذا التشتيت! هسة هاي مو محاربة للطالب مو؟
▪يعني أنت اول تالي راح تنتظر تجيك البيانات والمعلومات من التربية يلا تبدي بنتائج القبول المركزي،وهاي كلها بعد شهر ونص ماتصير؟ليش هلكد مستعجل ومشتت ذهن الطلاب!!!!
بخصوص سؤالكم،
■أني دور ثاني شوكت أقدم؟
●وداعتك ياخوية لو هسة أينشتاين يحضر، هم مايكدر ينطيك شي أكيد،
لأن عملية ملىء الاستمارة تعتمد على معدل الطالب الي ع اساسه يعرف شنو الكلية اللي تناسبه ويقدم،
#الزبدة: طلاب #الدور_الثاني تنتظرون وزارة التعليم الموقرة توضح الإجراءات اللي راح تتاخذها ألكم.
وبحسب رأيي الشخصي راح يصير الاتي:
التقديم يبقى ويتمدد ألكم لفترة 7-10أيام بعد نتائج الدور الثاني،
وتكدرون تقدمون بعد ما تعرفون معدلاتكم،
س2/ اني دور اول اقدم هسة؟
تكدر بأي وقت مو مشكلة،
بس شعندك مستعجل؟ انتظرنا أنزللكم معلومات وتفاصيل عن الكليات والاقسام الداخلية وغيرها
ف لحد يستعجل، وماكو فرق اذا قدمت اول واحد او اخر واحد
https://www.facebook.com/groups/1876...3319815234521/
رد مع اقتباس
المشاركة الأصلية كتبت بواسطة الرميثي
