هنا

[فقار الكرخي]

شوگ وتصاوير وعتب
سـومر حلمنه من التعب

نباگت شموسك والشعب تايـه بيك
كـل الجنـاسي البارحه أدور عليك

نقراك غاد من السمه ،، نجمه وجرح
وماندري ذيـچ نحورنـه الفوك الرمح

ينگـط نـدم ،،
شفنه العلم ،،
طـم العبي بضهر التنـانير

غلبت زمن ،،
ثاري الوطن ،،
حبـلن بنـاتـه من النواطير

بعيونـه يبـات الحزن حـدر الدمع
نبچيـك بس بچي الحلم ماينسمع

حبال المشانـق تخنك الريح
شدوهـه برگاب المراجيح

والموت شاتلـنه بأمس
أدعيلنه تخضر شمس

لاتعتب أعله الـدين ماضل أنسان
شفنـه الـعمايم ترگص ويالسلطان

نيشان صرنـه والجفه يصيب
ويستنگه وين العاشك الشيب
چم دوب توجعنـه المكاتيب

وحشه ونعش . . .
ولمن صعد سوك العطش
من ماي وجهك رحنه چملنه النهر

ضمينه سرك بالجدايل
أبابك دفنـه شكد رسايل

خوف وصدى ،،
وذاك الـندى ،،
يابس عله شفاف الفلاليح

من مات ناطورك
مشه جنازه الكمر
وفانـوس عمرك طفـه بچـويات المطر

شفناك فوك الشاطي تيبس بهداي
أودينـه بمتـون السفن ديرة ماي

چف الصبح ،،
ضـم الصبح ،،
ماوگفت بعينه العصافير

عتگت شبابيچ المحاجر
يهلال باجر يمتـه باجر

من برد تاريخك برد دم الشعب
وباعو جناسينه بدگـاگين الحطب

غربه وسفر . . .
تهنـه بتجاعيد الدهر
عيون الغريب تصير سولتها الصور

اخ الوطن . . .

ثاري الوطن ،،
حبـلن بنـاتـه من النواطير !









ناصر البدري

[سمراء من قوم عيسى]

رائع