هنا

[مصطفى العراب]

مرحبا.
ممكن أرد على نقاطك وحدة وحدة؟
حضرتك تكول الصاحيات بيهن كومة عقد نفسية وانخفاض بمستوى الثقة بالنفس لمستوى الصفر وصلته فكيف بالمعاقة !!!!!!!!!
ممكن تعرفلي الصاحية من وجهة نظرك؟
إذا كانت الصاحية الي تقصدها هي الي تمتلك الحواس ال5 بلا مشاكل فأنت متوهم.
لأن طه حسين مثلا كفيف وعميد الأدب العربي وغيره من الأمثلة كثير والي تسميه صاحي ممكن يكون إرهابي, سارق, متجبر, الخ.
هسة منو الصاحي بينا؟
وتعميمك لكل الأناث بالصفات الي ذكرت تدعوك لمراجعة نفسك عزيزي وهواي هم.
ولو چنت معوق ماتزوج وحدة صاحية ، لان يومين وتگلي موزين قبلت بيك

هالكلام بالذات يدعوني حتى أشكك بثقتك أنت بنفسك لأني مستعد هسة آخذ صاحية حسب تعبيرك وبالعكس ما أخليها تحس بذرة فضل عليه.
واشوف الافضل ان المعاق يتزوج معاقة وميخلفون حتى ميكثر عدد المعوقين "المعذبين" جدا بهالمجتمع الي مثل مذكرت سابقا يعقد حتى الصاحي
منينلك هالفلسفة ؟ وشلون حكمت بأن المعاق اذا تزوج من معاقة يخلفون معاقين بس !!!!!!!!

صديقي اني حجيت بواقعية جداً بعيداً عن المثاليات

الاصدقاء الي يعرفوني يعرفون كلش ان من احجي ما اعمم والشمولية قاعدة شاذة كلش بالنسبة الي

فالحجي ميشمل الكل اكيد ، واذا شمل الكل فاني هنا ظلمت واحد من اعظم الفيزيائيين وهو ستيڤن هوكينگ

شوف مجتمعنا مجتمع متنمر وميحترم الاشخاص الي عندهم نقص بسيط سواء جان خلقي او عقلي ويمارس بحقه اسوء التصرفات الي تخلي يتعقد ويفقد ثقته بنفسه وحتى احترامه لنفسه يفقده .

غالباً الاعاقات تكون وراثية مو ناتجة من حوادث ، وكلنا نعرف الوراثة شنو

اسف جداً اذا فهمت من حجيي اساءة الك ، مجنت اقصد ابد ومجرد طرحت رأيي من خلال الاشوفه بمجتمعي

[تاروت الملكة Queen Tarot]

موضوع حلو جدا ومامطروح سابقا
كل انسان حقه يحب وينحب والحب النقي يجي من دون شروط
اما اذا اتخيرني بهذا سؤالج ف اني كأنسانه مكتملة من حقي اخذا مثلي
شكرا وعاش الاختيار

[د. حسن سعيد]

لا ماتزوج معاقة ، لان الصاحيات بيهن كومة عقد نفسية وثقة بالنفس تحت الصفر ، فكيف بالمعاقة شنو حتكون نظرتها لنفسها ؟ خاصة ويا هالمجتمع المتنمر والي يعقد الصاحي قبل المعوق

ولو چنت معوق ماتزوج وحدة صاحية ، لان يومين وتگلي موزين قبلت بيك

واشوف الافضل ان المعاق يتزوج معاقة وميخلفون حتى ميكثر عدد المعوقين "المعذبين" جدا بهالمجتمع الي مثل مذكرت سابقا يعقد حتى الصاحي

وشكرا

هاي شنو مصطفى ؟ !!! يمعود ولا توقعتها من مثقف مثلك!، صديقي اذا تتكلم عن الصحيات كلهن معقدات فأنت خالفت مبدأ ثابت اسمه مبدأ النسبية وضربت نظرية متأصلة هي نظرية النسبية لأينشتاين هسة خاف يسمعك ويزعل علينا هههه، يعني معقولة كل هالناس معقدين؟ زين شنو تعري الانسان الصاحي وشلون نعرف هذا الشخص معقّد لو لا؟
زين صديقي انت من تفضلت برأيك هذا -وهو محترم حتى مع عدم دقّته- انت شايف ناس معاقين؟ تعرف عن حياتهم شي لو مجرد سمع وتخمين؟
اذا تخمين فالأفضل تطّلع على حياتهم حتى تعرف امكاناتهم.
اذا كنت معاق متتزوج صاحية أو بالأصح سليمة حتى ما يجي يوم تكلك مو زين رضيت بيك .. خوية عدنة كومة ناس معاقين متزوجين ومخلفين والحمد لله دايرين أمورهم ، نعم يحتاجون مساعدة زوجاتهم في بعض الأمور بس مو يعني كونهم عاجزين تماماً، وقبل ما تختار الزوجة كون تعرفها وتدرس طباعها قبل ما تطلب ايدها، هسة ليسمعوك المعاقين ويجون يقاضوك بدعوى على مادة 205 مدني الضرر المعنوي من كلامك هههههه.
بالنسبة للمعاق اذا يتزوج معاقة بس ميخلفون حتى ينقرضون المعاقين: حبيبي أنت هاذي نظرية مغلوطة من راسها لجعبها مع كل احترامي الك مصطاف الوردة، هسة أشرح لك وللإخوان والأخوات:
1. اذا تزوج معاق من معاقة شلون رح يديرون أمورهم؟ لازم واحد سليم حتى يتولى الادارة والثاني المعاق يتحمل جزء من المسؤولية.
2. هم صارت أعرف معاق تزوج معاقة بس خلّفو أولاد أصحّاء ولله الحمد هم حلوين خصوصاً بتهم الزغيرة اذا تريد نخطبها الك ههههه، ممكن يخلفون أولاد معاقين اذا اثنينهم مصابين بنفس المرض مثلاًا اثنينهم بيهم تلف وراثي بالشبكية أو اثنينهم بيهم استكماتزم وكذا باقي الاعاقات.
3. اذا ما خلّفو مو معناه ينقرض المعاقين لأن أصلاً الاعاقة تجي أمّا من كثرة زواج الأقارب أو من نقص بالجنين نتيجة سوء تغذية الأُم أثناء الحمل أو مرض طارئ يصيبها وهي حامل ينتقل للجنين يسبب اعاقة أو حادث يصيب السليم فيحوّله الى معاق.
بالنهاية أتمنى توضح كلامي وسامحوني على الإطالة الشديدة

[هيثم الغراوي]

شبيكم ستوب
لحد يسوي اقتباس وكلمن حر برأيه.

[Ćat]

لا ماتزوج معاقة ، لان الصاحيات بيهن كومة عقد نفسية وثقة بالنفس تحت الصفر ، فكيف بالمعاقة شنو حتكون نظرتها لنفسها ؟ خاصة ويا هالمجتمع المتنمر والي يعقد الصاحي قبل المعوق

ولو چنت معوق ماتزوج وحدة صاحية ، لان يومين وتگلي موزين قبلت بيك

واشوف الافضل ان المعاق يتزوج معاقة وميخلفون حتى ميكثر عدد المعوقين "المعذبين" جدا بهالمجتمع الي مثل مذكرت سابقا يعقد حتى الصاحي

وشكرا

-وگعت بالتعميم .. عممت حالة وحده او اثنين عدهن نقص ثقة ع جنس كامل
-المُعاقة بهواي حالات تكون أكثر ثقة من السليمة تماماً ، شفت نماذج هواي من هل الحالات وصلن وتعلمن وكملن حياتهن
-الي يقوقع نفسه بالمجتمع ويخضع لقوانينه ومقاييسه حتى وان كانت "تافهه وسطحية" فهذا حاله حال الصنم ، شيء بلا ارادة وعقل يعني... لازم نعبر بارائنا ولسانا ، مو باراء والسنة المجتمع
-إذا چنت معوق وتتزوج هل الصاحية عن حب ..وركزلي ع "الحب" م رح يجي يوم وتگلك " موزين قبلت بيك؟!" الي يحبون يشوفون عيوب احبائهم محاسن...هسه اكدر اخمن ردك ع هل النقطة راح تكول بلا مثاليات ..الخ ، مشكلتك يا سيد إنك واقعي بزيادة،الى درجة تحجر المشاعر ( اسمحلي بهل الكلمة باعتبارنه اصدقاء وبينا ميانه:)
-شلون حكمت أن زواج معاق من ممعاقه رح يخلف معاقين ، بغض النظر عن الوراثه ،اكو اعاقات جسدية متتورث ، ف طبيعي اذا يزوج ومن حقه يختار شريكة حياته سليمة او معاقة ، مو من الانسانية نجبره ع خيار معين بس لانه انولد بشيء خارج ارادته
-الصاحي هوه ألي يتأقلم ويا هل المجتمع دون ان يخضع له ، من دون تسليم نفسه له وانسياقه مع القطيع ويصير نقطة سوداء تنضم للنقاط الهواي الي انرسمت بقلب الانسانية


طبعاً من زمان اريد ارد بس مالي خلگ وحسن شجعني*-*

[د. حسن سعيد]

أخ هيثم، الاقتباس مو معناه دا نحرم العضو من حقه في الكلام والرأي، لكن اليوم انت اذا شفت شخص عنده غموض حول موضوع معين وهذا الموضوع يتعلق بيك من حقّك تناقشه بهدوء وتوضح له اللبس الصاير عنده يعني مثل ما حق الرأي موجود حق الرأي الآخر والنقاش موجود

[مصطفى العراب]

هاي شنو مصطفى ؟ !!! يمعود ولا توقعتها من مثقف مثلك!، صديقي اذا تتكلم عن الصحيات كلهن معقدات فأنت خالفت مبدأ ثابت اسمه مبدأ النسبية وضربت نظرية متأصلة هي نظرية النسبية لأينشتاين هسة خاف يسمعك ويزعل علينا هههه، يعني معقولة كل هالناس معقدين؟ زين شنو تعري الانسان الصاحي وشلون نعرف هذا الشخص معقّد لو لا؟
زين صديقي انت من تفضلت برأيك هذا -وهو محترم حتى مع عدم دقّته- انت شايف ناس معاقين؟ تعرف عن حياتهم شي لو مجرد سمع وتخمين؟
اذا تخمين فالأفضل تطّلع على حياتهم حتى تعرف امكاناتهم.
اذا كنت معاق متتزوج صاحية أو بالأصح سليمة حتى ما يجي يوم تكلك مو زين رضيت بيك .. خوية عدنة كومة ناس معاقين متزوجين ومخلفين والحمد لله دايرين أمورهم ، نعم يحتاجون مساعدة زوجاتهم في بعض الأمور بس مو يعني كونهم عاجزين تماماً، وقبل ما تختار الزوجة كون تعرفها وتدرس طباعها قبل ما تطلب ايدها، هسة ليسمعوك المعاقين ويجون يقاضوك بدعوى على مادة 205 مدني الضرر المعنوي من كلامك هههههه.
بالنسبة للمعاق اذا يتزوج معاقة بس ميخلفون حتى ينقرضون المعاقين: حبيبي أنت هاذي نظرية مغلوطة من راسها لجعبها مع كل احترامي الك مصطاف الوردة، هسة أشرح لك وللإخوان والأخوات:
1. اذا تزوج معاق من معاقة شلون رح يديرون أمورهم؟ لازم واحد سليم حتى يتولى الادارة والثاني المعاق يتحمل جزء من المسؤولية.
2. هم صارت أعرف معاق تزوج معاقة بس خلّفو أولاد أصحّاء ولله الحمد هم حلوين خصوصاً بتهم الزغيرة اذا تريد نخطبها الك ههههه، ممكن يخلفون أولاد معاقين اذا اثنينهم مصابين بنفس المرض مثلاًا اثنينهم بيهم تلف وراثي بالشبكية أو اثنينهم بيهم استكماتزم وكذا باقي الاعاقات.
3. اذا ما خلّفو مو معناه ينقرض المعاقين لأن أصلاً الاعاقة تجي أمّا من كثرة زواج الأقارب أو من نقص بالجنين نتيجة سوء تغذية الأُم أثناء الحمل أو مرض طارئ يصيبها وهي حامل ينتقل للجنين يسبب اعاقة أو حادث يصيب السليم فيحوّله الى معاق.
بالنهاية أتمنى توضح كلامي وسامحوني على الإطالة الشديدة

اهلا استاذي العزيز

گلت سابقاً ان الشمولية قاعدة شاذة جداً والحجي ميشمل الكل وانما يخضع لهالقاعدة

والا الشمولية محض حماقة

اذا جان زواج الاقارب ممكن يورث اعاقات ، فكيف بزواج معاقين اعاقتهم انتقلت الهم وراثياً

صح كلامي مو انساني بشأن ان المعاق الافضل ان مينجب ، بس هو صادر من رؤية انسانية لان الانسان المعاق غالباً يعاني بحياته من هواي امور ابسطها النظرة القاصرة الة من اغلبية المجتمع خاصة احنة مجتمعنا تعبان كلش ، فاشوف ان لو تبنى اطفال ويربيهم بدل ما يعول على ان عسى ولعل يجي طفل سالم من انتقال الجينات الوراثية المتضررة

عندي اصدقاء من ذوي الاحتياجات واعرف معاناتهم ولهالسبب صدر من هالرأي لان كلش احزن لما اشوف شخص يعاني

هامش* كلنا ممكن نتعرض لحوادث تخلينا من ذوي الاحتياجات وهنا الامر طبيعي ، فحچيي يشمل الي هم اصلا منتقلة اعاقتهم وراثياً

اكرر اعتذاري لكل شخص مسة كلامي وسببله ضرر معنوي واسف جداً

[Laraa]

عادةً القرار الشخصي بالزواج من شخص من ذوي الاحتياجات الخاصة
مقرون برأي وثقافة المجتمع لذلك الاغلب ممكن يرد بالرفض
اما اللي يرد بالايجاب فهذا الشخص تحدث بمثالية مبالغ بيها

الموافقة على مثل هالزواج يتطلب معرفة الشخص بشكل جيد
لان اذا ماكان يعرفه مؤكد راح يرفض الزواج حسب ثقافة المجتمع وان وافق دون معرفة
بالشخصية راح تكون موافقة شفقة مو اكثر
لكن الموافقة بعد معرفة الشخصية برأيي هي اللي تمثل معنى الحب والاحترام بكل ماتعنيه الكلمة من معنى
لذا اعتقد الاغلب هنا ردوا بشكل متسرع جداً وظلموا أنفسهم

تحية ..

[مصطفى العراب]

-وگعت بالتعميم .. عممت حالة وحده او اثنين عدهن نقص ثقة ع جنس كامل
-المُعاقة بهواي حالات تكون أكثر ثقة من السليمة تماماً ، شفت نماذج هواي من هل الحالات وصلن وتعلمن وكملن حياتهن
-الي يقوقع نفسه بالمجتمع ويخضع لقوانينه ومقاييسه حتى وان كانت "تافهه وسطحية" فهذا حاله حال الصنم ، شيء بلا ارادة وعقل يعني... لازم نعبر بارائنا ولسانا ، مو باراء والسنة المجتمع
-إذا چنت معوق وتتزوج هل الصاحية عن حب ..وركزلي ع "الحب" م رح يجي يوم وتگلك " موزين قبلت بيك؟!" الي يحبون يشوفون عيوب احبائهم محاسن...هسه اكدر اخمن ردك ع هل النقطة راح تكول بلا مثاليات ..الخ ، مشكلتك يا سيد إنك واقعي بزيادة،الى درجة تحجر المشاعر ( اسمحلي بهل الكلمة باعتبارنه اصدقاء وبينا ميانه:)
-شلون حكمت أن زواج معاق من ممعاقه رح يخلف معاقين ، بغض النظر عن الوراثه ،اكو اعاقات جسدية متتورث ، ف طبيعي اذا يزوج ومن حقه يختار شريكة حياته سليمة او معاقة ، مو من الانسانية نجبره ع خيار معين بس لانه انولد بشيء خارج ارادته
-الصاحي هوه ألي يتأقلم ويا هل المجتمع دون ان يخضع له ، من دون تسليم نفسه له وانسياقه مع القطيع ويصير نقطة سوداء تنضم للنقاط الهواي الي انرسمت بقلب الانسانية


طبعاً من زمان ارد ارد بس مالي خلگ وحسن شجعني*-*

شوفي ردي ع استاذ حسن

وضحت بي كلامي بصورة اوسع وخاصة نقطة الشمولية

بالنسبة لسالفة "خريط الحب" فالعلم النفسي يگول اقوى حب ميدوم اكثر من سنتين وبقية الحياة تنقضي بصورة روتينية

[ثامر الحلي]

لذا اعتقد الاغلب هنا ردوا بشكل متسرع جداً وظلموا أنفسهم

تحية ..

أنا لم اظلم نفسي وأعي مااقول ولاتتحدثين نيابة عن الآخرين