مشاركتي في مسابقة عريس الدرر على طريقة اهل الغربية ..
السلام عليكم ورحمة الله وبركاتة
كل عام وانتم بالف الف خير ...وعيدكم مبارك
خلي اختصرلكم الشغلة اغلب اهلنة بالغربية ما يهتمون بليلة الحنة بقدر ما يهتمون بليلة العرس وتقتصر حفلة ليلة الحنة على حفلة بسيطة للاهل والاقارب والاصدقاء ويتم وضع الحناء للعريس والعروس وتقديم الكيك والشربت للحظور..وتكون الحفلة عادة في بيت اهل العريس والعروسة
طبعا كلكم شايفين بيوت اهل الغربية اغلبهة كبيرة وبيهة مضيف يغني عن تاجير قاعة ويوفر بالمصاريف..
هسة نجي للحلقات واحب تكون بسيطة وغير مكلفة
هسة نحجي بالعرس وحبشكلاتة ..
لبس العريس احب البس العربي الاصيل بكل تفاصيلة الغترة البيضاء بالصيف والشماغ البسام الاحمر بالشتاء..
والساعة والسبحة هم ضروري..
والحذاء مكرم القارئ الاسود او ماروني ..حسب لون العبائة
بالنسبة للتسريحة مو ذات اهمية لأن لابس غترة بس المهم السكسوكة
وهاي سيارة الزفة مال اخوية ..
هسة نجي للعرس طبعا مثل اي شاب من حقي اسوي حفلة وعرس فخم واخلي الناس تضرب ثريد وتترحملي..
هذة المضيف مال الوالد ..
كومو على عشاكم يرحم والديكم..
هسة نجي للحفلة بعد العشاء وينهم اهل الجووووبي ..
أخوان لحد يرمي طلقات رحم الله والديكم ..
واخيرا اني والعروس
جبناها واجت ويانة..
هاا نسيت كرت الدعوة وكلكم معزومين الحاظر يبلغ الغايب..وسلامتكم
ملاحظة :اذا تسرب هذا الخبر اليوم ابات فوك السطح
رد مع اقتباس
المشاركة الأصلية كتبت بواسطة بـشــــار
كولش حلو هالعرس 