يمحسود اعله گولً أسمك
يمحسود اعله گولً أسمك
اشوف التايهات انرسمن بوجهك
واحس اهواي باگت ناس من لونك
ولك اصحى بهت رسمك
تلم روحك
بگت وشلة خضار البيك بيهه الحگ
يمبيوگ الضحك بسك ولك شتريد
مامش حگ
ولك كافي
يچنك خشبة الگصاب مامرتاح شابع طگ
ماراضي اعله سالفتك ولا راضه اعله سالفتك
يمدري اشبيك
يميت بس عدل شتگول اريد ارثيك
يامسحوگ .... يامديوس
يمن ظلك كفر ينداس لم طولك
تظم طولك
ولك وادمنه ملهوفه اعله ذاك الصوب
اخافن گنطره تسويك
واخاف من اللسن تحچيك
يالتعزب خلگ وتطش ولك مو زينه خلگ الله
هذا انته الغروب تطيح ياهو الفرفح اسم الله
يمر المغرب وتشهك ترتل اسمه وتگوم اتحوس
يمن لون الثلج نيتك ولك عندك گلب ينزار
مو للدوس
يابير .. اشتگول انته اسولف من خلگ واتناوش جروحك
ومن حگي امن اگلك بير عاشرت الدلو شوازاك
موسم صيف يشرب تدري من روحك
يشرب عمرك وساكت وبس تبچي . وبس تبچي
اولا تدري
جزن جيلين من عمرك ولك ليمت بعد تحچي
غشيم انت وعشت مبيوگ
عشت فاهي وبلا عرفه
ولا تدري المحنه البيك غثت نوگ
عزيز انت وتذل روحك تره المثلك عزيز وبالگلب ينحط
ولك بسك تغث بيه اعله صوت الريل من تفحط
حمد متهني بالغربه
ولك بسك .. حمد ماتخطر اباله حمد عايش
لگه بنادم سكن گلبه
واثق التميمي
رد مع اقتباس
