هنا

[فقار الكرخي]

صار هواي غايب ماتجي شبيك

تعال اسراري هوسة وشوفتك بير

تعال بجيتك تلكاني مو ذاك

اليلم شمل الشجر وي العصافير

رحل موسم خضاري وخضر الشيب

صرت خشبة وحجي الوادم بسامير

وحمام اشواكي من اشتاكلك حيل

افك صدري أعلة بيتك خاطر اطير

مدري شمالني وما جلبت بيك

زغير موادعك بس بعدك جبير

اجو زغرو نهاري وكبرو الليل

شماته وياهو بيهم يعشك الخير

اجو جابولي صورة واحد وياك

واجذبهم واكول الصورة تزوير

اقنع روحي جذبة واني منطيك

هدية سواري طالع بالتصاوير








اميرالشيباني

[كوكوري سان]

حلو شكرا لك

[فقار الكرخي]

منورة