هنا

[فقار الكرخي]

ام تعاتب ابنها في اول يوم له في القبر

كوم يا خد الكمر حظني اشتهاك
زحمة افك ريجي بورد مو مالتي

كوم يمة شعطلك نومك ثكيل
كافي تكعد لو افك عصابتي

كوم لا ازهك واشك ثوبي واصيح
يا بعد حيلي ومتن عكازتي

يل عفتني بلا ضهر كل ساعه اطيح
هيجي مثل الورقة صارت حالتي

كوم محتاجة ارد امشط روحي بيك
لا تطولها اشتهيت مرايتي

شلون متغطي بجفن جوة التراب
جنت اغطيك بحنين حجايتي

جنت كل يومية اسولف لله بيك
كوم يا هيل وحجي مصلايتي

انه حيل بعازتك يا يمة ليش
تكسر كليبي وتخلي بعازتي

الله رادك وانتهت بس مرني عود
بأي حلم يا يمة مر بداعتي

[نغمة على وتر♫]

مااعرف شكول شي يقهر وبجيت من قريتها
ربي يصبر كل ام فقدت ضناها

[فقار الكرخي]

منورة