هنا

[فقار الكرخي]

ولاندري العمر سفره
ولاندري الوجع فطره
فوك اوجوهنه اشتلكه


رسمنه اعلى الصبح
فرصه
وفرح يركض
للعد ذاك التراب الشابك الفقره

ونوينه بلا جرح نقره
وفتحنه اول هلا وطحنه ..
من شفنه الصور صفره

من شفنه الضحك عثره

من شفنه النعاوي تبات وي امنه
صدكنه الحزن شمره

من كمنه انتختل والفياي يبوك
مثل بوكة اليحب بهداي
كطره مجلبه بكطره



كبرنه ولا حلم فزز شكو اعلى الرف
عمر خلص مبين اول محطه وطف
عمر واتلفت اكضيناه
مبين اخر جكاره وجف

جف مدري شوكع منه
وجف يحلم يشم حنه

يشارعنه ... دصيح النه
خل نلعب شكو بحلنه

كبل ليطيح مغربنه

كبل لايلفي ليل الله ونعاوي امنه

كبل لايلبد الواهس
نشر فوك المطر ضحكه
ونسوي بيوت مالت طين
والبيبان بس ملكه

ونرد شيب
ونخرب اول حلم مرسوم
خاف انغار

خاف انطيح بوجوه الزعاله ازغار

خاف الليل يرسم ع النعاس
ارماد
وبخور
وزياره
وخوف
واصمله

ويكون نفز لجن مانلكه بس الله

ولك عمريش خلصناه ..

مابين العبي وتابوت
مابين البجي والموت

ولك عمريش وشفنه
حدر كل مطره شو ضعنه

حدر ( في ) الكصيبه نبات بس ردنه
حدر أول اذان نعيش بس ردنه

ولك عمريش قسمتنه
الزعل لسه اعلى وجه البوب
جاا يمته ونفز ونتوب








منقول

[سمراء من قوم عيسى]

الله الله
عاشت ايدك ع النقل

[بسكوته]

جميل

[فقار الكرخي]

نورتو ..

[انثى مخمليةة]

احسنت

[فقار الكرخي]

منورة يالغالية