تحميلmp3
يالما تجيني انه اجيتك
ياحيرتي لوما لكيتك
حبيت اكلك ما نسيتك
____ ____
ليلة وفاة ابن الرضا خذني الهوه
للكاظمية وخدي بالدمعه انجوه
الباب المراد الكل جرح كالو دوه
ادري الدوه يالمنتظر نكعد سوه
ويانه ياراعي الزياره .. ونحشم الثار اعله ثاره
راح انفض همومي ابثنيتك
يالما تجيني انه اجيتك
ياحيرتي لوما لكيتك
حبيت اكلك ما نسيتك
_____ _____
حامل جراحتي وهمومي وشكوتي
ليلة مصيبة والله يقبل دعوتي
ياسيدي اكبالك ادنك هامتي
وانته غيور وتنجرح من دمعتي
ومحلف ابحامي الضعينه .. ها يجواد المهدي وينه ؟؟
لازم يزور الليلة بيتك
يالما تجيني انه اجيتك
ياحيرتي لوما لكيتك
حبيت اكلك ما نسيتك
_______ ______
من اعتنيتك جني ماشي المذبحي
كلي اساءة وما سمعت الناصحي
اتمنه اشوفك اي نعم بس استحي
ادري ابذنوبي امسجله وماتنمحي
بس حبك اكبر من ذنوبي .. سامحني لا تحسب عيوبي
يا اغلى دمعة وما بجيتك
يالما تجيني انه اجيتك
ياحيرتي لوما لكيتك
حبيت اكلك ما نسيتك
______ ______
سامح متيم بانتظارك مبتلي
وبصحن ابو الهادي صراخه يعتلي
كل خطوة كل جرة نفس يندب علي
يدري ابحضورك هالمصايب تنجلي
ايدي اعله خدي وبانتظارك .. ردتك ولا اريد اعتذارك
اني ابحلك حوت ونخيتك
يالما تجيني انه اجيتك
ياحيرتي لوما لكيتك
حبيت اكلك ما نسيتك
_______ ______
اني الموالي الما يفارق مدمعه
امشي وره الزهرة انه ابكل فاجعه
ما شفت ابو صالح لجن متوقعه
بين المناير واكف ويقره الدعه
يبن الليله مصابك .. نقسم على المهدي ابشبابك
مهضوم ارد تقبل حميتك
يالما تجيني انه اجيتك
ياحيرتي لوما لكيتك
حبيت اكلك ما نسيتك
______ ______
عندك علم يالمنتظر بللي جره
تدري امتلت من الشباب المقبره
بس انته عدنه والسفينه امكسره
كلما ندك بابك تكول المعذره
احضر يسفان انولينه .. بلكي تلحك ع السفينه
هاج البحر واني ارتجيتك
يالما تجيني انه اجيتك
ياحيرتي لوما لكيتك
حبيت اكلك ما نسيتك
______ ______
لو ماتجي ما يرجع الحق لهله
لو ما تسل سيفك تضل المشكله
ارجع يغايب خل نقلك ياهله
نمشي مشي من الجواد الكربله
واعله الشريعه عدنه رايه .. خل نطلب ابثار السبايه
وتنادي يالضامي رويتك
يالما تجيني انه اجيتك
ياحيرتي لوما لكيتك
حبيت اكلك ما نسيتك
______ ______
كلمات ذرية الزهراء الشاعر السيد عبدالخالق المحنة
١٤٣٩ هـ
_____ _______
زهراء العبيدي
درر العراق
قسم القصائد
رد مع اقتباس
المشاركة الأصلية كتبت بواسطة صفاء العامري
.
