قصيدة لذكرى استشهاد الإمام الباقر 'عليه السلام' مكتوبة
كلمات قصيدة خامس كوكب (مكتوبة) باسم الكربلائي
ها يخامس كوكب الباري انزله
وابتدى عمره ابمصايب كربله
حنيت يابو الصادق .. ونيت يابو الصادق
...
ياطفل قبله نظر ذبحة طفل
وينظر احبابه عطاشى تنقتل
ينظر الحال النسا ودمعه يهل
فرت من الخيل شاف العايله
حنيت يابو الصادق .. ونيت يابو الصادق
....
ينظر خيام الفواطم تستعر
وعلى صدر المصحف اتربع شمر
اضلوع ابو اليمه سمعها تنكسر
من زغر سنة ابمصاب اهله ابتله
حنيت يابو الصادق .. ونيت يابو الصادق
.....
محمد الباقر ربى ويه الالم
شاف بعيونه السياط اعله الحرم
شاف كطع اجفوف شيال العلم
لاخر انفاسه ودموعه هامله
حنيت يابو الصادق .. ونيت يابو الصادق
......
شاف ابو مكيود وبجفنه جرح
شاف راس حسين مرفوع ابرمح
اشكد تمنى بكربلا لو ينذبح
ولا على الرمضه جثث يترك هله
حنيت يابو الصادق .. ونيت يابو الصادق
......
شاف عماته انسبن واتسلبن
من دمه نحر الحسين اتخضبن
عن النواعي بالمسير اتناوبن
لو نعت سكنة تنوح القافله
حنيت يابو الصادق .. ونيت يابو الصادق
.......
ع الرماح ايعاين الروس الاهل
لو جبل حمرين قلبك ما حمل
انته مهضوم وابن هند احتفل
نظرة الشمات نبلة حرمله
حنيت يابو الصادق .. ونيت يابو الصادق
......
هاشمية تنسبي محد سمع
من قبل زينب ولا حيدر فزع
بالله كلي شلون قلبك ما وكع ؟
امقيده بنت البتول ابسلسله
حنيت يابو الصادق .. ونيت يابو الصادق
:::::::::::::
كلمات الشاعر السيد عبدالخالق المحنة
::::::::::::
زهراء العبيدي
درر العراق
رد مع اقتباس
المشاركة الأصلية كتبت بواسطة sawsanmahmoud
