احجي شبيك ساكت يا كلب مدقناسيك النبض لو تستحي شتحجي
تحجي دكول باعوك ومشو لحباب
لو تحجي وتكول اناالردت أجفي
لا تستحي يا كلبي يله احجي
احجي شبيك خايف مستحي من الوم
لو خايف كلامك يفضح المخفي
احجي وكول عافوك ونسو لحباب
وانت الهم جنت مثل الشمس تضوي
عافوك
ودخلوك بكسوف و صرت ماتضوي
مثل طبع الجذر بس يرتوي من الكاع
والهاي الارض هو ابد مايوفي
احجي شبيك ساكت احجي راح تموت
من القهر ومن هل الجفا المخفي
باعوك برخص شمتاني ها شتريد
موش الجرح صار دموم بس يبجي
يا كلب الجبير ويابياض ألبيك
جنت الهم وفي وهذا الطبع يكفي
شد جرحك ابأيدك ومشي انت بعيد
ونسى انتا النسوك وجفي لا توفي
ما تكدر اعرف انا كلش زين
مو طبعك تخون وتنسى ما توفي
بس ابتعد وكافي هذا الصار
لملمهن جروحك ويله كوم امشي
لملمهن جروحك ويله خل نمشي
رد مع اقتباس
