ناس ما يسوون خاشوكة
كاعد بشباجك من أسنين انته وهالدفاتر
تركض تشيل الجنط والحزن ألمن
ناس ما منهم گُمر
ناس ما يسوون خاشوكة شكر
ناس ودعت ناس وتثاوب طفل
شمسيه خضره وركض بيك بعيد
والناس الردتهم
نسو من سنين اسمك والمحطه
وخلّو دموعك نهر
لابد يردون باجر
سوي نفسك ما شفتهم
بالك يحسون انت تذكرتهم
اثكل شويه يكلبي
مرة خليهم محطه
وانت سافر
ادري بيك تريد تبجي
ابجي وحدك انه ساكت
بس احلفك يا كلب يا جبير لا ينخطف لونك
لو شفتهم
مظفر النواب
رد مع اقتباس