......... عشبة عافية .........
وهذا آنا الما أطيح ،
ولا أطير آكَبال صفكَه .
بعد بيّه آمن آصفن ....
آيورّد الما ينشاف ....
ويفحّط الريح ،
والغراب يضيج خلكَه .
فحطت الريح وبعدني ....
بكل خضار الروح ،
ما طاحت لي وركَه .
هواي طايح لي الحزن ....
والآه عشبة عافيه .....
وعود البخور آنفاس شهكَه .
اشكَد شبع دخان دمي !
اشكَد صور تاكل بكَلبي وما طحت !
رجفة الفُقره بشبابيج البرد ....
ورويحة البربين يل ما بيها خفكَه ،
والغبار الحار ....
ورماد التنانير العفيفه البارده ...
والكل شي ما كو ....
والفراش المات حِركَه ،
وجلدة السلطان للّبلاب البعمر الندى ....
وكل سوط طلكَه ،
والحبيب الماتصح منّه ....
ولو بالطيف شبكَه ،
وبعد هاكَد وجع بيّه ....
وما طحت .
عبدالكريم_القصاب
رد مع اقتباس
