عشر معلومات عني( لمن يهمّه الأمر )
١- سريع الضحك و سريع الزعل و بطيء الغضب، الكلمة تأثر بيه حيل، وافكر بيها أيام.
٢- اكره الكذب واحتقر الكذاب، ماكو شي عندي اسمه كذبه بيضه لو كذبه سوده.
٣- ما اعرف اجامل ، لو اشوف شي مو حلو اكول عليه مو حلو، حتى لو يزعل المقابل ، لذلك هوايه مرات يخلوني حكم .
٤- احب الترتيب و النظام حب مو طبيعي، اريد يكون كلشي بحياتي مرتب وعلى سنكة عشرة!
٥- اكره شي عندي ان أدوّر على شي، لذلك احط حاجاتي دائماً بنفس المكان، ولو واحد غيّر مكان حاجة جم سنتمتر أكلب عليه الدنيه.
اريد امد ايدي وآني مغمّض و آخذ الشي .
٦- التزم بالمواعيد الى درجة، يعني لو واعدت شخص بفد مكان جديد عليّه، اروح قبل يوم لذاك المكان و الزم وقت حتى اشوف شكد يطوّل الطريق، و دائماً اكون واصل قبل الموعد بربع ساعة.
٧- من انسجم بالقراءة بعد ما احس بأي شي ، يعني انقطع عن العالم الخارجي كلّياً.
٨- احترم المرأة و اعتبرها اساس الحياة و جمالها.
٩- أكره كل انواع التحجّب و اعتبر المرأة المحجبة انسانه مظلومة.
١٠- لو حسيت بأن اكو مصدر خير راح يجيلي ، اول شي افكّر بيه هو شلون اكدر أسعد بيه غيري قبل ما اسعد بيه نفسي.
رد مع اقتباس
المشاركة الأصلية كتبت بواسطة جنة الروح
مستحيل يبقى شي بمكانه