هنا

[فقار الكرخي]

آه يالگلك تناقض
خدك وگلبك عجايب
صورة مو طبق الاصل
خدك بلون الوفر ليلة ضباب
وگلبك بلون الكحل
چان همك تستغلني
وغصن المكابر بروحي اترسه ذل





مفضوحين اثاري اليحترك دخانه ما ينظم
واليكبر ضبابه يتيه من يحلم
شما نزرع عشك بالناس نحصد هم
يا كلبي شكثر تندم




ياسمارك ..
ريع بطيني الخضار
وشعشع بنيتي الضوه
سير بطيفك عوافي الليل للعاشگ هوه




انا بلياك ضايع ما اشوف انا !
ورد لا شمته العشاك
ولا رد اعلى بستانه
وتمنيتك تجي تجيب العمر وياك
تجيب الضحكة ..
و دموعي
وزغر عذري
وسواليفي
انا بلياك شاعر صفكوله وباكو لسانه




اكـو يحچون من الصُبح للـ اليل
وحرام ان چان تفهم شِـنهو يحچون
واكو ساكت وحلگـة مخيّط خياط
وحچية شگد حلو بـ نضرات العيون





والماشي عني بلا سبب
فد نوب ما هميتله
ومن كال مَـتحنلي شعجب
حن واني احن غنيتله.






عليك يكودني الماجان ع البال
واجيك ومدري
شنهي بروحي يلتم
وشوفك تختلف عن ناسي يمشون
كلهم بل كلب بس انته بل دم





و انسـاني
تـره الينـسون محظـوظين
و حـب غيــري
اليحـب اهـواي من ايمـوت ڪلها اتروح جـنازه
اذا تحـتاج حطنـي وبيــع
انه ابنـادم بـشر مخـلوق للـعازة




باجر اعتابك اسمعة
وباجر ابجي وماكو ليش
وباجر اخر يوم اشوفك
يعني بس باجر اعيش




خذني بعيونك سوالف
خذني بگليبك حچي
ولو ثگل ضيم الليالي
أوكع بخدك بچي




ياروحي وحشة الدرب وبخطوتج سمي
انتي عليج الجرح وانه علي همي
شفت الونين برمح يعبر نهر دمي
وما ادري عيني لبچت لو غيمة اجت يمي




خوية مستاقتلك بكد ما نخيتك
خنگه صارت بالمخيم وعتنيتك
قبل لا اوصل الك وصلت منيتك
عمت عيني مخضب الدم بلحيتك



اني ماحب اليخون.....بطيبتي
العافني باجر يحس...بقيمتي
انه واحد يحترم معنى...الوفه
وهاي بيه تكون من اعظم...صفه
وهاي كلها تعود يم ....تربيتي




طلع هين فراگي وانسي بسرعة
بسوگ عيونهم ماكلفت دمعة
ضاكو طيبتي وگالو شهر ويعود
وانه عنودي وعفت خط روحة مو رجعة

[سمراء من قوم عيسى]

خذني بعيونك سوالف
خذني بگليبك حچي
ولو ثگل ضيم الليالي
أوكع بخدك بچي


روعه

[kian al-basrawii]

•اللّـہ̣̥ رۈۋ‏عـِھّ
تسلم ايدك

[نغمة على وتر♫]

اجننن يسلمووو

[فقار الكرخي]

منورين