يسالفتي الخذتها الناس
((وجـــه نهـــران))
سولفتك شعر ونباگ غير الباگو الراحه
قلم انا اوشطالب بيك اذا عدواني مساحه
ذنبك چان عد يوسف ذنب طغيان
لأن فاتگ گلب مافاتگ القمصان
يسالفتي الخذتهه الناس سالوفة عشگ فلتان
اوتجاعيدي اودمع فرگاك خلقن بلوجه نهران
عكازة الصحره النوم عند امفارگ الحيطان
سولفلي ابأردلك عيش عند اموادع الفرگه
سولفلي العشگ ينراد من تحچيلي عل ملگه
ياماخذ راحتي اومنطيني سهرة ليل
انا انطيتك رغد يل مايشحلك حيل
گوض عمري باول شوط من سمعيت سفرة ريل
اويل ماخذ الروح اوياك باچر شنطي عزرائيل
اسألني ولو فد ليش بيه اجروح متجافي
وزغرهن چبير اهواااي من اجدااامي لچتافي
صحبتنه عتيجه اهواااي ونت ابگدهه متعافي
الحزن يعرف يخيم وين ابگلب واحد ولامرتاح
وبعصر ادم حزنه اصلاً قبل لا يذنب ابتفااااح
ماخذ عطوه من الموووت وگتله اعيوني للمحبوب معتازه
وموتن هسه لو اااادريك انته اتشيل ااااالجنازه
خل نعتگ قرن قرنين
وخل نخلق عشگنه وينطي غاية طين
اااشما تعتگ الصحبه اوياااااك اعرف كل حچي النظرات
انا امضيعك ولامحظوظ حته انعرف بل مأساااات
وهيه الخنسه شنو امضيعه ويصير اعلانهه الونات
لا متدووووم من شفت الضوه ابرازونه ظل ينصاد
ومن شفت الزمن ريال بس ابميل ساعه النثيه ليش انگاد
ماعيشن بعد بليش
چنت امسهر النجمات گبل لتطير وتهج للسمه ابلاريش
او اي متدوووم لمن ماقريت اعيونك انملكن لسابع ناس بس عگبيش
علي محسن المطوري
رد مع اقتباس
