هنا

[مرتضى علي]

قصيدة : رايحين
الرادود : سيد سلام الحسيني
الشاعر : أبو محمد الزبيدي

فيديو



كلمات

رايحين خويه عنك
رايحين خويه عنك

رايحين
و الدرب كلش بعيد
بعيد كلش
لا تگلي شوكت يا زينب تجين
رايحين

رايحين خويه عنك ..

هاك ضم دموعي يمك
هاك خلي عيوني يمك
هاك كل شي
و كل شي هاك من السنين
رايحين

رايحين خويه عنك ..

رايحين بلايه راي
سوط يضرب بيه و اتلفت وراي
ألتفت و اسمع الوادم : ياهي هاي ؟
حچاية منك انتشر بجروحي الونين
رايحين

رايحين خويه عنك ..

رايحين
و الهوا الحار الأخذ من لوني لون
أخذ حيلي الدهر و آنه بلايه عون
شلون اخلص الدرب وي المجرمين
رايحين

رايحين خويه عنك ..

بدرب بس الليل بي يصلح ستر
و السوالف
تفزز الميتين كلما تنذكر
و السوالف
تشيب عيون الجنين
رايحين

رايحين خويه عنك ..

رايحين
عنكم بلايه محامل
نوگ هزلة
و الضعينة بلايه كافل
و ما رضه الحادي يمر على الفرات
آه يا شاطي الفرات
آه يا شاطي العذاب
آه يا شاطي الوداع
و ما سمعنه وداعة الله مودعين
رايحين

رايحين خويه عنك ..

رايحين .. اطفال تنشد
عمه زينب .. وين اهلنا ما اجونه
عمه زينب .. ليش اهلنا ضيعونه
عمه زينب .. ليش نمشي مربطين
رايحين

رايحين خويه عنك ..

رايحين
جروح فوگ الگاع تمشي بلايه روح
جروح ما تسمع حچي بس الينوح
جروح شربت جمر و تسولف ونين
رايحين

رايحين خويه عنك ..

رايحين
نحسب ايام العذاب
و نبدي نحسب خطوة خطوة
و نبدي نحسب دمعة دمعة
عبرة عبرة
حسرة حسرة
و تخلص ايام الهجر بالأربعين
رايحين

رايحين خويه عنك ..

mp3


لتحميل mp3
إضغط هنا

[نغمة على وتر♫]

يسلمووو عيوني

[مرتضى علي]

يسلمووو عيوني

نورتي و أكثر ^_^

[حسام البيرماني شيزر]

بوركت مرتضى

[كيمونا]

اشعر ب الخنق من اسمع هكذا نسق

[مرتضى علي]

بوركت مرتضى

الله يبارك بيك حبيبي يا طيب

[مرتضى علي]

اشعر ب الخنق من اسمع هكذا نسق

فعلا لطمية حزينة و مؤلمة ..
نورتي