هنا

[مرتضى علي]

قصيدة ( سالفتي نحيب )
الرادود : سيد محمد باقر الخاقاني
الشاعر : أحمد الهلباوي

فيديو

كلمات القصيدة

سالفتي نحيب ............ و دموعي ظعن
محبوبي غريب ............ و ملكني وطن

دلاني عليه .. و مدالي إديه
و أمنلي حياة .. و خيامه ثمن
سواني چبير .. و لبسني حرير
و عالغبرة يبات .. ما عنده چفن

ممنون اكون بخدمته و أنوح
كل شي أعوفه و لعزاءه اروح
أنذرله حزني و دمعي و الجروح

آهاتي اله - حزني و عذابي كربله
آلامي اله - و ضيعة رقية بالفله
آلامي اله - و ضيعة رقية بالفله

حسين حسين حسين
مولاي حسين حسين حسين
حسين حسين حسين
مولاي حسين حسين حسين

-----------------------------------

دنيانا ظلام .......... و الخدمة ضوه
المايبچي حرام .......... يطب ريته هوا

الماعنده حسين .. آخرته لوين
تاليته يصير .. والماكو سوه
من حقي أهيم .. محبوبي رحيم
المايرضه يجيه .. يمشيله هو

محد مثل گلبه الحنين و رحمته
ع السلب خيام اخته تنزل دمعته
و انطانه خيمة و هو طاحت خيمته

ذابحني هم - خنصر يمينه و السهم
بعيوني ألم - ما وذرتهه ع الخيم
بعيوني ألم - ما وذرتهه ع الخيم

حسين حسين حسين
مولاي حسين حسين حسين
حسين حسين حسين
مولاي حسين حسين حسين

-------------------------------------

ناذرله صباي ........... أصبحله عبد
ياخذني هواي ........... و للخدمة أرد

شگد أمشي بعيد .. و ما أدري شريد
و الگاه على طول .. ذاكرتي و ارد
يجذبني هواه .. و ابقه امشي وراه
يحرگني و اگول .. نيرانه برد

يسكتني ذنبي و ارجع احچي بيه
ابچي اعتذارات و ندم و اجيه
و انعى لمصابه و انفجع عليه

تارسني حب - و حنية من گلب لگلب
تارسني حب - و هو السليب ال عالترب
تارسني حب - و هو السليب ال عالترب

حسين حسين حسين
مولاي حسين حسين حسين
حسين حسين حسين
مولاي حسين حسين حسين

------------------------------------

المتوسد اديه .......... و الظامي گلب
و الأبچي عليه .......... من يبچي صعب

دمعاته جروح .. و لاجل اخته ينوح
ما عدهه خيام .. و الدنيا غروب
الدمعاته طفوف .. من يبچي يشوف
بالهيمة عفاف .. يطلعونه ضرب

چم والي ظلت جثته عالتراب
و چم ظامي ظل بحسرة الشراب
و چم دنيا حرگت حسرة الرباب

و ام الخدر - تنعى و تنادي يا اخوتي
صار العصر - و محد نصبلي خيمتي
صار العصر - و محد نصبلي خيمتي

أنادي يا هلي - چتفو حرمكم بحبل
وحيدة بت علي - و گوة خذوني ع الهزل
گدامي ينولي - يا خوية لو بچه الطفل

حسين حسين حسين
مولاي حسين حسين حسين
حسين حسين حسين
مولاي حسين حسين حسين

mp3



لتحميل mp3
إضغط هنا

[اشراقة امل]

شکرا مرتضی

[مرتضى علي]

شکرا مرتضی

الشكر لله ..
نورتي و أكثر ^_^

[عباس قاسم]

احسنت بارك الله بك