لا تعوفينه اليرسمج نجمه بعيون الصبح
ولا تغنيليه على فكدج
خلي جفج يرسم ايامه محنه وصافحيه
خلي كلبج ينفتح بس اعل صوته وعاتبيه
خلي شعرج ينفرش بس اعل متنه
خلي خصرج بس اله
عزفي بعيونه نشيدج
شيلي اسمه بكل تفاصيلج قصيدة
وغني بيه
خلي عشكج ينرسم بس اعل شفته..
وصي كلبج خل يفز بس اعل صوته وسامريه
ضحكي يمه وخلي كلبج كله شوووك...
صيري يم جفه حمامه ودلليه
نثيه بس كدامه صيري ومن يغيب عيونه خليهن دليل
خلي جلماته تراجي...
وشيلي اسمه وي العطر خلي يسيل
العاشك يموووت اعل عشكه.. موووتي بيه
راح تلكينه اعل كدج لاعبيه
صير مثل الشذره يمه
رسمي روحج محبس ولايك عليه
هواي غنيله اعل عينج
كتبي حبج بين اديه
جلمه كتبيها اعل صدره
العاشكه تموووت بعشكها وتصحه بيه
سلوان عدنان
رد مع اقتباس
