مـن خــذوچ… السـاعـة چـانت والله بالـظلمـة ضـبط
زفــة ميتــة…
مـن خــذوچ…
السـاعـة چـانت والله بالـظلمـة ضـبط
أنــه كـل عتبي علـى شـعرچ مـن ظحـك بـچفــوف غربـة چنــة ماشايــف مشـط…
شــگد كــرهـت المـاي مـن ذبوة وراچ
شــكد كــرهـت الشارع المـارجعـاچ
زفـت الخـرسان رحمـة مـن تمـر گبال (منــهي) عـلى الحــلال…
طلعـت مـن چفـوفـي حلقـة…
وطلعـت مـن عيـونــي وادم
طلـعوا روحـي اويــه روحــچ
حتــة مـاتطلــع جهــال
حـاط زفتـي ويـاهم وبخــت الظفيـرة
اللـه گال انــهـو علـى منــكر…
يــاهـو گــال أنهــو عــلى وادم مــاهي مــن نفـس العشـيرة ؟؟
مـو ردت هـلهـولــة امــي تــگود الأعمـة لــحنتــي
طيــن وجـهـچ مـاتفــطر مـن حچــولـچ قصـتي ؟؟
عــرگـة خــدود المــراية مــن الفشـل مـن صنعـوچ…
گبـعونـي بغيـم دمعـي
وانتـي مـدري بيـا حضـن يـابـس دفـو مـن گــبعـوچ…
مـن خــذوچ…
انــه فــلاحـچ نسـيتي وهمــة عالـبارد حــووچ
فــركــس عيـونـي السهـر
وانتــي مــدري بيا نهـر تتلاصفـين
احـتـرگ واطــفة عـلى كـيفـي النـاس مــايـدرون حـگهم
بـرگــع التـنور طــين… !!
انتــي وجـهـچ نعمــة اللـه وارفـس النعمـة يتـحـسف
بظهــري حفـروا چـم كهـف وتمـظحكيت…
الگصــب يكشــخ ناي مـن كـون ايتـزرف
شـچم علگ شــديـت انـه بخصـرچ هذاك ؟؟
والأجاچ بــزفـة ميتــة مـاحسـب گـدامـة حضــرة
دوسـي طــيفي بــرجل خضـرة
هيبــة الـفلاح تكبـر مـن بگـاعـة
سجاد التميمي
رد مع اقتباس
