هلو شلونكم
حلو الموضوع عجبني وشفت اكثر الاعضاء شاركو ف حبيت اشاركم بشكم معلومة عني:
1.اني انسانة طموحة كلش ومجتهدة وم عندي حد معين اوكف عندة بالعكس دائما عندي طموح انو اكو مكان افضل من المكان الي واكفة بي ف احب كدما بية ادرس واتعلم واخذ خبرة بكافة المجالات.
2.كولش احب الناس واحب اساعدهم وم احب اشوف انسان مكسور او متاذي احاول اسعده ب اي طريقة ممكنة.
3.عصبية وما اتحمل واذا عصبت افقد بغض النظر عن اهمية الشخص الي كدامي بالنسبة الي وهاي الصفة الوحيدة الي اكرهه بيه لان اجرح الشخص المقابل بس بنفس الوقت من اهدء واتذكر الموقف اظل ابجي وانقهر وللعلم اعصب ع ادنى شي.
4.احب الكتب والروايات والكاتب المفضل بالنسبة الي هو (غيوم ميسو)وبديت ااقره كتب من جنت بالابتدائية جنت اقره بكتب بابا الي هي اغلبها سياسية بحكم عملة ك ضابط ف كنت اقراها وم افهم منها اي شي ههههههههه.
5.اني متواضعة حيل واحب الكل ودمي خفيف بس رغم هذا الشي من يشوفوني ياخذون عني نظرة مغرورة وشايفه نفسها وما تتحاجة بس من يتقربون يعرفون نظرتهم عني غلط.
6.مشكلتي انطي ثقة بسرعة لشخص بدون م اعرف نيته او طبعة يمكن لان قلبي طيب زيادة عن اللزوم وهالشي وكعني بمشكلة وتعرفت ع بنية اعتبرتها صديقة بس طلعت غلط للاسف.
7.عندي عناد فظيع بس م اعاند الا الاشخاص الي احبهم يعني اكثرها ماما وبابا وخطيبي لان يتحملون عنادي ويعرفون انو من اعاند فترة ارجع امشي بقرارتهم واتنازل عن عنادي.
8.اكره الكذب كولش واكره الي يكذبون مجرد ما اعرف انو الشخص كذب عليه بشغلة بعد ينتهي بالنسبه الي لان بنظري الي يكذب يسوي شغلات اكبر من الكذب لذلك اني ولا مرة كذبت يعني ممكن تكون كذبة بيضه بس بنفس اليوم اعترف بيها.
9.احب كرة القدم واتابعها اي لعبة قوية بين فرق او منتخبات ما احب افوتها واشجع ريال مدريد اما المنتخبات احب هوايه واشجعهم ومن ضمنهم فرنسا بطلة العالم.
10.النوم مالتي خفيف لو توكع يمي ابره اكعد كبل وهالشي يضوجني لان بسبب هالشي م انام هواي لان من يحجون او يتحركون بالغرفه اكعد.
11.دراستي مزعجة مثل النوم بالضبط من ادرس لازم محد يتنفس لان ما استوعب اذا اكو صوت وهالشي خله ابويه يبني الي غرفة معزولة بالحديقة في سبيل ابتعد عن الازعاج على الرغم بيتنه م بي اطفال او صوت بس مع ذلك ابتعد ههههههههه.
12.مهما كنت ضعيفه ومقهوره ما احب ابين للناس هذا الشي حتى اقرب الناس الي ما يلاحظون لان اتظاهر القوه وم ابجي يم احد عدا خطيبي لان هو الشخص الوحيد الي احسه م يستغل ضعفي .
13.مريت بقصة حب كولش حلوة وعشت كل تفاصيل الحب بدايتها عناد ومشاكل وبعدين تعلق وبعدين حب وعشق ونهايتها كانت خطوبة وعن قريب زواج ف الحمدللة انو عشت هاي اللحظات وكانت نهايتها حلوة .
14.ما اعرف اطبخ ابد ولا ادخل للمطبخ الا نادراً رغم رزايل ماما وراج زواج ومسؤولية بس مع ذلك عمتي ام زوجي الي هي تصير عمتي اخت ابوية مدللتني من جنت طفلة وتوكف بوجه ماما واني هالشي يشجعني حتى ما اطبخ ابد ههههههههههه
15.اخاف من ابو بريص كلش اعتبره نقطة ضعفي بالحياة اتخيل ياكلني اسد ولا اشوف ابو بريص ع حايط غرفتي ومجرد ما اشوفه بالبيت يغمة عليه لذلك كل يوم افتش غرفتي قبل ما انام اخاف الكه واحد بالغرفه.
16.من جنت طفلة وتقريباً جان عمري 5سنوات خطفوني بس جانت نص ساعة وم اتذكر شي من هاي الحادثة بس يكولون اجه اخذني بالسيارة ونص الطريق كمشه ابوية واني بالنسبة الي ما اتذكر هيج شي ابد.
5
17.ما الفظ حرف الراء وهالشي احبه احس مميز
وكافي هاي المعلومات دوختكم
رد مع اقتباس
المشاركة الأصلية كتبت بواسطة اشراقة امل
