كلمات قصيدة المرأة اللعوب مكتوبة كلمات
قصيدة الضحية الاربعين مكتوبة
الشاعر يحيى العلاق
هلا بالعاشك الواكع بالكمين
جنت متوقع اتجيبينه وتجين
كاعده اكبالي بهوى تتغزلين
مااضوج ولا اغني معذبين
اليهفي اعله الجمر يتلكه نار
واليدوس اعله الوحل يتلكه طين
ادري كلتيله هذاك ايحبني جان
اي هذاك الواكف اول ع اليمين
وادري كلتيله ولا حبيته يوم
جان كلش قاسي مو مثلك حنين
كاعد ايباوع علينه شكد ثكيل
عوفه لتركز عليه ماعايزين
هسه وكته اشجابه حظي بهالمكان!
صدك مو وكتي الوكت للباطلين
ايدي ما لامسها يحلم بيها جان
وداعتك حاول وابد منطيته عين
الايد ما لامسها !
خايب ضلت إيد
آنا وصل بال... احم ماادري وين
ابزائد اثمنطعش تستفتح الليل
وصور مو يندى لها ايطيح الجبين
هاي البصفك قرت نفس المقام
ابإذني هم غنت موشحها الحزين
آنا احبك والله اعبدك بيك اموت
شو لكيتج هايمه وتتلمضين!
هوه هم كلتيله اعبدك؟
سالمين
يابه بسج هيه مالت مشركين
يااخي ارتاحيتلك ماادري ليش
وحيل حبيتك رغم ما ملتقين
لا اتصدكها اذا هلت ادموع
ولا اتثق بيها اذا حلفت يمين
مزاجيه ابكيفها اتحب وتخون
صار بضفرها صبغ وويا طحين
هاي اذا حبت فرد واحد رفيع
من الفجر تدني نفسها اعله السمين
تعشك الهادي السمح والما يثور
وتشتهي الفض والصعب والما يلين
ابد ماتقنع ولا يرضيها حال
خل اكمل كافي اس لتدردمين
والله صلفه المثلي مايكدر عليج
فرقي عنج استحي وماتستحين
ياتره اشسويتلج موت الخذاج
جنت الج ستر وغطه بنت اللذين
واعتذرلك يااخي التشبهني حيل
رجعتني لمهزلة ذيج السنين
تعتقد نفسك الاول بالغرام؟
وحدك وفوكاك رب العالمين
انته واحد واربعين اعرف سراك
واليحاجيك الضحية الاربعين
_________
_________
تدوين Zahraa
درر العراق
قسم الشعر الشعبي
رد مع اقتباس
المشاركة الأصلية كتبت بواسطة عمو ساكه
