الاوائل
زينب حيدر - النجف
الاولى على العراق بمعدل ٩٩.٨٦
اكثر شي استوقفنا اهداء تفوقها المن ؟
حيث قالت :
" بالبدايةً أحب اذكر آية قرآنية كانت فد سر بالنسبة لي ..
" لا تَخَف دَرَكاً ولا تَخشَى "
-أول نصيحه ممكن أقدمها لكل طالب على ابواب السادس .. هي ترك الخوف لانه ماله داعي .. فقط ثق بالله وثق بنفسك وبقدراتك ..
ومهما كانت الضغوطات الي عليك سواء ظروف او كلام الي حولك .. رح تتجاوزها اذا انت قررت ذلك .
-ثاني نصيحه هي الصبر .. السادس يحتاج كم هائل من الصبر لأنه صعب تداوم سنة كامله ع نفس الإنتاج وبتعب وخاصةً بالنهاية .. لذلك لازم تجدد حيويتك كل يوم ..وكون انت سند لنفسك ..
انصح بالكتابة .. اكتب كل شي تمر بي ما اقصد شي نثري لا وانما هذا دعم لنفسك وحته تتخلص من الطاقه السلبية .. وخلي اهدافك مجزئة .. هدف لليوم هدف للاسبوع وللشهر وللسنه اكيد .
-اول نصيحتين كانت بعيدا عن الدراسه ..
بالنسبه للتحضير اليومي هو اهم شي بالسادس
لازم تتأكد من فهمك للماده باليومي وميضيع عليك شي .. اليومي ثم اليومي .
-تنظيم الوقت .. عامل مهم وما اعتقد اكو طالب محصل معدل وما منظم وقته .. لذلك لازم يتحدد وقت النوم والاكل والدراسة .. واذا نظمت وقتك راح انت ترتاح ويتوفر الك وقت للترفيه .
-عدد الساعات للدراسه .. بالنسبة إلي ماجنت اهتم لعددها .. وانما النوعية .. بمعنى قد تقرا ماده ب ١٠ ساعات لكن بالحقيقه فقط ٥ ساعات مركز
لذلك التركيز ونوعية الدراسه مهمة .
-بالنهاية احب اذكر شي اني خليته ببالي .. هو لحظة استلامك للنتيجه .. راح تحفزك للدراسه .. فرحة اهلك وكل ناسك .. خلوها ببالكم وتعبوا حته تحصلون الفرحه .. وتذكروا انه الله وياكم بكلشي ..
وماانسى ان أَهدي هذا التفوق لوطني .. لعراقي الي يحتاج نوگف سوه حتى نبني من جديد .. الأمل موجود لكن يحتاج تكاتف بيناتنه .. وأَهدي لعائلتي اكيد ولأساتذتي ومدرساتي .. ولكل من كان سبب حتى أوصل للي أريده ..
اتمنى اكون قدمت شي بي فائدة ..
ويارب كل التوفيق والنجاح لكل الطلاب ..
الف مبروووووك يارب وكل التوفيق .
رد مع اقتباس
