هنا

[فقار الكرخي]

يموت شاعر ، يشعل السلطان شمعة
يموت جاهل ، تعتلگ بالكوخ دمعة
أنت شاعر!
أكتب اشعارك على شيلة بنية
واقرة للمگروص شعرك ، بلچي يبرد غضب حية

أنت شاعر!
أنهي نفسك
زنت بالذنب الثجيل
اوف دنياي ، اشبعد بي وأعاند

هاكثر مطلوبلچ دنياي
چا گلتي بجرح باثنين ، والثالث چذب ينگال

ييبس الماي لحزن روحي ولج يمة
تلف عمري ولچ يمة ، انعي وتموتين
وابچي بليلچ المهموم عشر سنين

يمة والعباس ماينزع ولد عندچ الغيرة
يوگف لطاري المراجل بيرغ ابيض
روحه ديرة
بيها مذبوح الشرف ، واليشبگ اجدامه الظهر
يعرگ ضميره
بيها دهلة الماي ، للصفصاف حزم
يمة لو حس العصر بعضامي ينده
اني اخضر للمراجل
واهذب اركاض بشمسها الزاهية اتحزم
واليهزه ألليل للثورة يجي بلا دم

لكن الميت بأصلها شلون بي؟
لاحبيبة تداوي جرحي
ولا مهر بالدنيا يسبگ ، دگة وحدة يهدها گلبي









علي الشباني

[سنابل مكسورة]

جميل

[ضياء المالكي]

الله الله ... شكراً فقار

[سمراء من قوم عيسى]

اوف دنياي ، اشبعد بي وأعاند


الله

[اسرار الكون]

جميل جداً

[ازدهار]

عاشت ايدك
ودي
.
.

[فقار الكرخي]

منورين غوالي