هنا

[فقار الكرخي]

كالو نساج وملتهي ومايحن
كتلهم انه ارتاح من ينسعد
هو الشراع المايجيسه الهوه
يرتاح لو ريح العواصف يهد
شما تبطي احبك واذبل واحترك
تكثر معزته الغالي من يبتعد
اذبحني راح تشوف احبك صدك
من ينكع يزداد عطر الورد
بس الكناطر من يجف النهر
تتيتم وتحلم بعد تنصعد
هو البرد صدكوني مو بالشتا
لمن تحن لاهواك هذا البرد
جا هو مايك وين موصوفرت
الدنيا منجل وانه خاف انحصد
من اول شلونج لحد مارحت
نيتي وغلاتك ابيض من الكطن
لاشاكفه اعله جناح وكت الرمي
حكهه الطيور تروح عن الغصن
خاطر تعيش وياي عوف العلو
وحصة الذباحه فوك المتن
اذكر حلاتك من جنت بس الي
منين ماجيلك اشوفك حظن
تدريني بس تروح عني اختنك
عايش على المسجون باب السجن
شوف المطر شفاف فوك الزرع
ومن ينزل اعله الخيمه كلش خشن
ذوله البصفي وداعتك مو الي
البدوي مايرتاح بين المدن
يمهم اخاف عليك لاتنشرب
وشعدهم الدفانه غير الدفن








زهراء السعيدي

[ضـحكة خـجل]

الله..حلووو

[سمراء من قوم عيسى]

رائع

[سنابل مكسورة]

جميل

[ازدهار]

يسلموووو
كل الود
.
.

[فقار الكرخي]

نورتو الكون