....
مساءكم محبه ايها الدرر
.....معلومات قد تكون غريبه او لا
1-شخصيتي بالواقع تختلف جذرياً عن مواقع التواصل
2-شي الثاني من اضوج ما احجي وي احد وابقه اكل واخترع اكلات من بحدي يعني اذ ما الكه الي أريده بالثلاجه تنكلب القيامه على أمي
3-عندي استعداد انام لاسبوع اذ احد مكعدني بس نبع الحنان مستحيل تخليني احقق هالحلم
4-افرح احزن يبين بعيوني
5-ما أريد احد يسالني شبيج اذ ضايجه من اصحه من ضوجتي واريد اسولف اسولف
لأن أذ ضجت تنكلب الخلقه واحجي من وره خشمي
6-بسرعه املل اذ السوالف مابيه ضحك
7-احب القراءه بس وره واهسي يعني الروايات وهيج كتب
8-اكل ما اسمن اكل خمس وجبات وأحياناً تزيد
9-من الاشياء الغريبة بيه افز منا اتكحل منا بيه سولة بس ابمحرم اتركها...احس أقرب شي للبنيه وينطي جماليه أكثر
10-من اخاف او اتوتر هزه الرجل هاي الحاله تلازمني وخصوصاً بفتره الامتحانات وانتظار الأسئلة
11-ما انام الا اشد عيوني
12-اكرهه واتعقد من تفكير جدو وأحياناً اجادل وياه هو يصير عصبي أكثر ويختمهه انتي السانج طولان يجي ابوج واكله
13-ميولي لعمامي مو اخوالي رغم كلشي
14-اذ غثيتني او استفزيتني أتحمل عصبيتي وزعلي كلش ثكيل لما تجي تعتذر راح اسامحك بسرعه وانسه بسرعه
15-اذ اختنكت او ضاكت عليه دعاء وكتابه يعني اقره دعاء واروح اكتب بدفتر يومياتي او لما اريد افضفض
16-وشغله لاخ ...اذ اريد افضفض لشخص يعني لصديقه او قريبه ما افضفله وهو متواجد لازم يغلق النت واخر الليل ب1 او 2
المعلومات الأخيرة حسب مايشوفوني الأصدقاء
17-عندج هدوء موطبيعي
18-تهتمين بدراستج اكثر من كلشي
19اجتماعية وبسرعة تاخذين على الناس وتتأقلمين
20تعاملين الشخص حسب شخصيته
......
رد مع اقتباس
