مامش فايده
...... مامش فايده ......
يا طوير الحب يكَلبي ،
هسه يالله آتذكرت ،
كَبل شتويّه نسيتك ....
على الشباج المزنجر ،
صاك من البرد يمهم ،
وهمّ موتى ولا يهمهم .
لا دفيت ولا غفيت ،
لا نسيت ولا تبت .
شلون حالك هسه ....
خو ما زنجرت ؟
يا آمصكّك بالجحيل ....
وحاضن الشباج تترجّه الدفو ،
ومامش دفو ،
تلعب بروحك شجاك ؟ آتسودنت ؟
ليش ما تستغفر الله وتجي آوياي ؟
خاف أنساك وبعد ما شوفك .
يا طوير الحب يكَلبي ،
هاي جم مرّه على نيتك طرت ؟
اشكَد على الشباج المزنجر متت ؟
وتالي شنهي الفايدة ؟
والله مامش فايده منهم يكَلبي ،
وآنت بعيونك شفت .
عبدالكريم القصاب
رد مع اقتباس
