كوم احظني بويه
وبوسني اترجاك
بويه شبيك ساكت
هذا مو ملكاك..؟
اتلاكيني جنت
ملكه الطفل للعيد
ها بويه كمت
والموت ما خلاك
روحي وكلبي اخذهن
بويه اخذهن هاك
ما الهن ضرورة
تعلعلن بجفاك
يابويه تعال
البيت مابي روح
شو حتى السوالف
فاهيه بلياك
والبيبان طلعن
حافظات الطول
يوميه ينشدن
وين طولك ذاك
الايام انكضت
وعيونه اتحوم
سولتهن سهر
وي ذكرياتك
اهنا كاعد جنت
وهنا تغديت
اهنا مديت سجادة صلاتك
بيتك ناطرك
ويريدك اتعود
وهدومك يبويه امتانياتك
الغيرك مايصيرن
جذب هيهات
اليفك ازرارهن كون ابغلاتك
مشتاكيلك
كد طيبة البيك
والك وحشة بكبر كسرة بناتك
والك وحشة بكبر كسرة بناتك
_______
كلمات الشاعر يحيى العلاق
_______
ZAHRAA
رد مع اقتباس
المشاركة الأصلية كتبت بواسطة ضياء المالكي
