احبك مو لأن انت حلو...لا
لأن روحي التقت گبلي... ولك بيك
اذا إنت تمُّر عا الأعمى يصيح الله
والأخرس لـَّون حاچيتة يحاچيك
أذب گلبي إعلى سهمك وآنه مجروح
واگلك دير بالك اخاف أأذيك
إجرَّحني ولك بس كون عالكيف
لأن إنت ويَّـه دمي وخاف أبديـِّك
إجرحني ولـك بس كون ماموت
حتى مـِّن يتهموَّنك أبريّك
على المراية وگفـت ما شفت وجهي
وشفت وجهك طلعلي وگمت احاچيك
وثبت بمرايتي وجهـك مرايات
واباوع وجهها مرايتي بيك
بيا شارع مشيت كبالي الكاك
ادور بغير شارع هم الاكيك
ارد للبيت كبل الكاك بالباب
اطب كبلي تطب وتكولي اتانيك
تالي الليل اكولهم باجر انساه
افز من غبشه الله واحجي بس بيك
بغيرك فكرت كلت حتى انساك
طلع غيرك يشبهك فكرت بيك
عاش ذوقج من اجمل قصائد حسين الحلفي
هاي التكمله ههههع
يسلمووو
أحذركم لظمت عمري برصيف سنينكم صخرا
لذبون صخرات بحفايركم
اذا تنهدم سدت حوبتي بيكم
اول ما يطيح يطيح شاطركم
واذا ناسيين اذكركم كبل انتو فرد دمعه
اذا تبجون انا عيون عالوجنات اكطرلكم
ومثل الزاد سويت العشك يوميه ثلث اوكات
بصواني بيتنا طابعهن صوركم
وثواب الكم اطش روحي على شبابيج حظرتكم
وارد بهداي الم روحي اخجل ما المن حيل لا اجرح مشاعركم
وتطشروني وارد ردود اشابككم ولا ينكسر خاطركم
يا لمة كواغد انا حسره وريح منو الليثبت اذا افركم
تشوفون الدرب بعيوني صار سنين
شتشوفون اذا بعيوني نبتو اظافركم
انا طبعي السما وما احب حظن الكاع
واذا مره حظنتكم انا اجاملكم
واذا انتم مناير انا طبعي وذان
وبلايه وذان اكو معنى لمنايركم؟
نعم أنها من القصائد الجميلة للشاعر الحلفي
شكرآ الاختيار
يا ربي
تعرفين دخت اريد اعرف وين سامعها نسيت
هههههههه
بس توتة ذكرتني
تسلمون اثنينكم على جميل الاختيار
روووعة
لا حرمنا جديدكِ القادم
كل الود والورد
رد مع اقتباس