لیل وامگاود صفنتي
لیل ومگاود صفنتي والشته ابأيام موته والبرد دگ ریله
والحدیقه اتثاوبت
وتوهه حلمانه الفلح
وتوه جرح الیل متغطي ابجرح
و مدري یاهو رش عله الگمره اوضواهه اشوي کحل
وسکتت ادروب. المدینه چنهه ظل
ابراسي توجعني سوالف النازعه ابروحي حچیهه چن تعب بعظام شایب
اول الخوانه لیلي البایگ امن ارموشي عین
واخر الأمال فجري العافني مثل السنین
الدنیا منشئهه تناقض
الگاع مبدئهه گبر
الدین اله ابلا شکل
امنین ماعاین تلوث یمشي بعروگ الشوارع
اشلون ماافکر تحجر عالي بنیان المساجد
ناس غاطیهه الوهم
ناس عایش بیهه تاریخ الصنم
الله بلجامع غریب
مدری لیش اگبال بیبان المحطه اهواي اشوفه بین شوقات اللقاء
یم ورد کلوکته یمزح
یم طفل دمعاته تنسح
یم شوارع باهته و محد یجیهه
یم یتیمه الباچیه وطول بچیهه
اهوایه اشوفه
بین گطرات النده وصرح المشاعر
اگبال ورده العطرت سد المعابر
ابین صفنات المگابر
اهوایه شفته
الدنیا حلمانه ابحلم کلش قهرهه
تصحه واتموت ابشهرهه
ياسين معاوي
رد مع اقتباس
