كلهن انكتبن قصيدة وفرت امتونك قصايد
كلشي مكتـوب ..اعله اسمـك
كلشي يتـغـنـه ..اعله اسمـك
ضحكتـك
رمشت عيونـك
مشيـتـك
رگصت معاضـد
والنَّـاس والدنيـه وهلـي
وجــروح گلبي
ودمعة امي وتعب ابـوي
والحـزن والماذكرهن.....
كلهن انكتبـن قصيـده
وفرت امتونك قصايـد
شيلمع بنحرك
نحر زفت گلايد؟؟
شامتك كعبه ع صدرك. ارد أطوف
شويه عن العرش زيجك خل اشوف
منين ما ولي فثم ارجع الخصرك
ارد اعيشن فوك نحرك
انه اشوف الدنيه بيك
باهته جفوف السنين الماتلوحك
انه اميـل شما تميل من الهوه طيحت زلوفك
ياعزيز
الناس تعرفني ع عرفك
وله محد يشتريني
سلعه مشموره قديمه ابين شدات الصراير
وانته وين
شويه عن الخالقك شمرة مناير
سنبلك صوفر بعيني وبيه چم هوست مناجل
تدبج بروحي رغبتك
تعبتني
تكاسر بكاسك عليمن؟ چا وشفتك
گالو يتعبك يخايب وانـه ردتك
يالذيذ
اشهگ وشربك تصعد براسي وانسم
كمت امر ابابكم ع الباب
ولا سراكي اتهز خصره ولا مفاتيح التحن واتطيح بيدي
ولا انته الفاتحلي گلبك
گلت اعوفك
طحت من عيني الوريدي..
كريم حاشوش
رد مع اقتباس
