قصائد حسينية مكتوبة
كلمات قصيدة متعني مشاي - عمار الكناني (مكتوبة) + تحميلmp3
متعنـــي مشـاي والزهـــرة شــدت حيـــلي
والمهــــدي ويـــاي طـول الـدرب يدعيـــلي
......
شايل علم بيدي
امشي آنا ووليدي
ممشه الولاء
كل خطوة نخطيها
ناخذ اجر بيها
ماكو عناء
حسين اليمشينه
يأشر النه بيمينه
من كربلاء
حي الله زواري
اليوم انتو خطاري
ياهل الوفاء
من اشرب الماي .. ياخذني للطف ليلي
والمهدي وياي طول الدرب يدعيلي
متعنـــي مشـاي والزهـــرة شــدت حيـــلي
والمهــــدي ويـــاي طـول الـدرب يدعيـــلي
بدربي شفت صوره
مرسومه من نوره
شعت ضوه
دنكت ابوسنها
جنها الكمر جنها
راعي الوه
يمها اكعدت ابجي
واسمع علم يحجي
صوته دوه
يابعدي انا واهلي
امشي اضل كلي
ضلعي انلوه
ناداني بحماي بـ الراية ضل يوميلي
والمهدي وياي طول الدرب يدعيلي
متعنـــي مشـاي والزهـــرة شــدت حيـــلي
والمهــــدي ويـــاي طـول الـدرب يدعيـــلي
ابعون الله بيها انجه
زيارة بألف حجه
هذا اكيد
حب عجب العالم
يتحده كل ظالم
ويضل جديد
من الله هالرحمه
غيرك يبو اليمه
لا ما يفيد
اسمك يمشيني
وع الحق يدليني
والعن يزيد
بضعوني حداي من البُعد تبديلي
والمهدي وياي طول الدرب يدعيلي
متعنـــي مشـاي والزهـــرة شــدت حيـــلي
والمهــــدي ويـــاي طـول الـدرب يدعيـــلي
يروح التعب كله
من سيدي اوصله
ويمه استقر
منه آخد مرادي
زياره ضوه الهادي
تسوه العمر
من اشتم اترابه
واتوسل ابابه
ذنبي انغفر
بس اقترب منه
ينسم عطر جنه
وآخذ اجر
ما انسى مولاي اهتف نهاري وليلي
والمهدي وياي طول الدرب يدعيلي
متعنـــي مشـاي والزهـــرة شــدت حيـــلي
والمهــــدي ويـــاي طـول الـدرب يدعيـــلي
ابتالي العمر شايب
بس بالعشك ذايب
يركض ركض
يتوجه عل عصه
وصاح المشي فرصه
ابظهري يكض
طالع من البصره
زاير لابو العتره
لاتعترض
يالناصبي انحذرك
نكسر تره ظهرك
مالك غرض
ما تفتهم هاي .. يالكلشي ماتعنيلي
والمهدي وياي طول الدرب يدعيلي
متعنـــي مشـاي والزهـــرة شــدت حيـــلي
والمهــــدي ويـــاي طـول الـدرب يدعيـــلي
ازحف على ركبي
ارتاح انا بتعبي
من اوصله
حسين ايتلكاني
من قبره ناداني
مية هله
اتفضل يقاصدني
ابمشيك تعاهدني
ويسجله
اسمي ويا زواره
واسمع بالمناره
مستقبله
يتصاعد ابجاي يا دمعه اكلها سيلي
والمهدي وياي طول الدرب يدعيلي
متعنـــي مشـاي والزهـــرة شــدت حيـــلي
والمهــــدي ويـــاي طـول الـدرب يدعيـــلي
________
كلمات الشاعر :- عبد الجليــل الـمـالـكـي
________
كتابة القصيدة زهراء العبيدي
درر العراق
:
قسم القصائد
١٤٣٩
رد مع اقتباس
المشاركة الأصلية كتبت بواسطة Haidar Iraq
