السلام عليكم ..مرحبا من جديد ..
هواي يتمنون يتعلمون اللغة الانجليزية وصارت من اهم متطلبات فرص العمل بوقتنه الحالي وهناك اكو هواي مكملين حته اداب انكليزي او تربية انكليزي لكن ميكدر يحجي لغة لان ماخذها كمادة لكن الي يصمم على ان يتعلمها لغرض العمل او هوس او فضول او غيرة من باب شبيه اني ماكدر اتعلم وهواي يردون يتعلمون لكن ميعرفون هاي اهم النقاط المهمة للتعلم وعن تجربة لفترات طويلة وبحث ومتابعة وهواي اصدقاء استفادو من طريقتي ..
1-اكو تطبيق اسمه Grammar english
او تكتب/ين Learn Grammar english
اولا لازم تعرف/ين القواعد وتقراهن/ين وتدرسهن مو شرط ورقه وقلم ع وكتك/ج مثلا يوم جمعة تخلص التطبيق وتفتهم لان بالاساس القواعد وتره شي بسيط
2-حته تتقن/ين اللهجة بالمضبوط تسمع/ين انكليزي بدل الاغاني اسمع/ي محادثات انكليزي بوقت فراغك ومهم قبل متنام/ين ومن تكعد/ين حته لو جملة جملتين ..الاغاني من واحد يسمع 24 ساعة مو تلطش باللسانه هاي هم راح تلطش اللهجة باللسانك/ج ..يا اما تكتب/ين Speaking english mp3 تلكا بالسوق بلي
3-مفردات باليوتيوب اكو فديوات اجانب يدرسوهن بس اكتب/ي vacabulary خل يوميه قبل متنام/ين بوقت فراغك/ج تتعلم/ين كم وحده او او اشياء ماتعرف معناهن تكتبهن بالعربي تنزل مترجم dictionary plus او تكتب Translator بالسوق بلي وتسمع لفظها راح تزيد معلومات كمفردات
4- اتعايش/ي ويا الانكليزية ماتك/ج مثلا تريد تطب لمكان تخيل الجدامك ميعرف عربي حولها بكلبك بالانكليزي شوف تكدر يوم يومين تتعود والتعايش هو السمع من تنام/ين ومن تكعد/ين
5- اكو تطبيقات مال انكليزي الي بالصور الي مثل اللعبات تكمل جمل اهم تطبيق شفته هو dolingo هذا اول ما تفتحها راح يحدد مستواك بالانكليزي .. اضافه لهذا وقت فراغك ولو اعرف ماكو فراغ بس تابع افلام اجنبية حته لو متحبها تابعها ع مود اللغة
...اعرف هواي بس كلهن اذا واهس عندك مو هواي وراح تتونس بيها .. واكو ملف مضغوط 100 جملة انكليزي يكولها بالعربي وراها بالانكليزي و mp3 صوت تخلي الهتفون وتسمع ...
6-التطبيق ممحملة المهم ممحملة لكن تكدر تكتب بالسيرج ملفات مضغوطة للتعلم انكليزي mp3 راح تلكه/ين هواي وبحوش لما تنزل/ين الملف تفتحه/ي راح تجد 100 محادثة كلش راح تستفاد /ين منها
7- بالمناسبة كل هذا اذا مو استمراية ولا كانه متعلم شي واذا عده اسبوع تارك راح تفقدها شلون هسه اني لكن اني اكدر بليلة ويم ارجع مستواي لان خبرة صارت عندي بهالشي فاضعف الايمان اذا خرب الواهس كلش تابع mbc2 وكل فلم اقل شي ساعة فاتخيل انت ساعة تسمع واتابع بس حاول لا تقره الترجمة او اقره الترجمة وملحكت على لفظها بالانكليزي بالموبايل اكتبها بالمترجم واسمعها/يها صوت بالمرة الجايه راح تكدر/ين تركز على لفظها ...
هذني اهم نصائح وابسط طرق للتعلم ..بالتوفيق للجميع والسلام
رد مع اقتباس
