معلومات عني لم احسب عددها
السلام عليكم
بعد ما فكرت هوايه قررت اشارككم كم معلومه عني
☆غيرت مجالي الدراسي من كليه اعلى لكليه ادنى وفخوره جدا بهذا الشي
☆العقده الي كانت ولا زالت عندي اكره جميع اساتذه الرياضيات الي درسوني بمرحلتي الدراسيه
☆شخصيتي نوعا ما غير واضحه للجميع يعني مستحيل تعرف شخصيتي اذا ما متعمقين بالكلام
☆جدا متسرعه وهالشي ما احبه بشخصيتي
☆مره اتيحت لي الفرصه انو اكون باحد مجالات المجموعه الطبيه لكن رفضت لانو باختصار ماعندي قابليه انو افوت هجي مجال رغم احد افراد عائلتي طبيب!!
☆احب القراءه كولش و اغلب شي اقرا عن التنميه البشريه وعلم النفس .. يمكن لهالسبب عندي قدره اعرف الشخص بمجرد معرفتي شغلات بسيطه
☆لما احزن لا ابكي ع الشي الي احزنني .. افضل اسمع قصيده ع ال البيت وابكي
☆اكثر شي ابكي بالكليه ع ابسط الشغلات مثلا لما انطرد من المحاضره بسبب التأخير .. لما تكون درجتي ضعيفه رغم جهدي بالدراسه .. واخر مره بكيت ع مقلب سووه بيه زملائي الله يسامحهم
¤اريد اسولفلكم المقلب بس حيصير طويل الموضوع
☆مستحيل احب انسان اكثر من ماما
☆متفاعله جدا بالسوشيل ميديا واكثر شي بالانستا ستوري الي متابع ستورياتي اكيد حيعرف هوايه شغلات ع شخصيتي .. انشر مقالات ..اشارك بعض الشغلات سفرات .. حفلات .. انطي رايي بموضوع يعني مع الاسف الانستا هوايه حقائق واضحه عني لكن اكيد بحدود
☆احب القانون الاحترام الاسلوب الراقي هذول الشغلات مقدسه
☆مزاجيه بشكل و عنيده
☆عندي فوبيا من الفراشه
☆هوايه احفظ التواريخ واحسها فد شي مميز وضروري
☆من الاكلات المشهوره الي ما اكلها الدولمه
☆لما كنت طفله كان حلمي اصير قاضيه
☆احب اسوي حلويات معجنات وشغلات بسيطه حسب المزاج^^
☆احيانا اتصرف بطريقه طفوليه
☆اذا خليت هدف ببالي لازم احققه ولو بعد حين
شكرا لكل من قرأ و عذرا للاطاله
رد مع اقتباس
المشاركة الأصلية كتبت بواسطة مزاجية وكذا
