المشاركة الأصلية كتبت بواسطة MƱSĤƬΛҨ
شكرا عل اطراء
شكرا عل اطراء
المدنية بدت تنتهي في اذهان الشعب كحالة سياسية ممكن تنقذ الشعب العراقي، المدنية كانت كرد عل تطرف الديني .. بس هسة الامور نوعا ما تغيرت .. و نحتاج فكرة جديدة غير مستهلكة .. بس المدنية، سواء بمعناها السياسي او الاجتماعي من اقرب المرادفات لكلمة "الانسانية"
بالنسبة للشق الثاني .. بالتأكيد لو ثنيت لي الوسادة ... وتسلمت قيادة البلد اتوقع راح اديره بكل ذكاء .. بس اذا المقصود انه "رئيس وزراء" في ظل النظام الحالي والدستور الحالي ؟ مستحيل لان النظام نفسه يقيدك ويمنعك من الحركة .. هم ارجع لمقالتي اللي نشرتها بمساحة حرة و خليت رابطها اعلاه.
بينت بعض اسباب عدم تواجدي اعلاه .. ممتن
الكلام صحيح .. عدا النقطة (2) .. ابد ما حاولت اتكبر او اشيل خشمي على اي عضو اعتيادي .. صغير ام كبير، صاحب شهادة او خريج ابتدائية، بنية او ولد .. ما يفرق عندي ذرة ... نعم ممكن اشيل خشمي عل اشخاص معينين .. اسويها بتعمد مو لان اشوف نفسي فعلا مستواي اعلى من الاخرين، وهؤلاء الاشخاص غالبا لان بيهم اشياء سلبية كبيرة او لان همة انفسهم متكبرين او يؤذون غيرهم او مسائل اخرى.رسالة من مجهول
طبعا سالفتنه سالفه
المدير بصوره عامه لازم يكون متقيد ويا الموضفين او الاعضاء بدائره او شغل
بس هنان ماطول نت ماينطبق هالشي
1/ اللي تحبه وايطخ ابالك اتصادقه واللي تضوج منه ابدا ماتصادقه
2/ احنه مو بدائرة عمل او شركه حتـى تعتبر روحك مدير وشايل خشمك وتتكبر
3/ اصدقاءك دائما تنطيهم الافضليه بدرر
4/ حتـى السلام ماترده
للمعلومات .. ما اضوج من احد ما محتك بيه .. دائما الضوجة تكون بعد الاحتكاك .. مثلا اذا العضو يخالف القوانين ما اضوج منه .. بس اذا اشوفه سطحي جدا اضوج .. احب ذوي العمق اكثر من غيرهم حتى وان كانت عدهم صفات سلبية اخرى.. و اقدرهم
السلام ما ارده ممكن .. بس مو بصورة انتقائية ابدا ... وانما بسبب عدم الانتباه او ضيق الوقت، مو بسبب تكبر او استعلاء قطعا
مرة وحدة حجينا ع نادي الكوت
بس الي شفته ان الاعضاء القدامى الي طلعوا من المنتدى او الي شايفيك ع الواقع يحمدون بيك
بس الي استمروا هنا وصعدوا يذمون بيك
بس لحتى تكون بالصورة
شكرا اخ محمد .. .. قضية الدكتاتورية صحيحة .. بس تأكد مو دكتاتورية مطلقة .. وانما القدر الكافي لتسيير الامور بالطريقة الملائمة.حتى ننتقد شخصا يجب ان نكون على معرفة جيدة به، بخلاف الاخ سامر الذي نادرا ما نراه هنا. وفي الفترة الاخيرة كان لي بعض الحديث مع سامر التمست من خلاله الجانب اللطيف في شخصيته وتغيرت عندي بعض وجهات النظر عنه... ومع ذلك بقيت لدي بعض الملاحظات اتمنى ان لا ترقى لان تكون سلبيات:
- لا يحب ان يُناقَش بقراراته
- لاحظت ايضا تغير بعض مبادئه حسب مقتضيات المصلحة
وطبعا لي عودة عندما يحين وقت ذكر الايجابيات
وللعلم مديرنا شخص مرن ومرح فلا تخافون من شي ( اذا ما شفتوني باجر ارجو منكم تسامحوني على اخطائي وياكم)
مبادئي ما تتغير .. ارائي (اللي تعتمد على مبادئي) تتغير حسب الظروف والمعطيات من فترة لفترة .. و من سنة لسنة ممكن .. احكامي (اللي تعتمد على ارائي) ممكن تتغير حسب المصلحة نعم .. بس مو شرط مصلحتي .. ممكن تكون المصلحة العامة، او مصلحة اشخاص محددين، او مصلحتي الشخصية، بشرط ما يخرق هذا على مبادئي .. الحكم (اللي هو الناتج النهائي) مو شرط يكون صحيح، فضلا عن انه يكون مطلق بالزمان والمكان .. شخص اخر يطلق حكم قد يكون افضل، لذلك ما انطي قدسية للاحكام. و ممكن جدا اغيرها.
عندي logic بعقلي .. او خللي نسميه وحدة المعالجة المنطقية .. اذا وصلت لقناعة بحالة معينة بيها جدل .. اشوف الجدل هل ينقض هذه القناعة .. هل يقدم معطيات جديدة تخللي هذه القناعة تنتفي ؟ اذا لا ما اغير رأيي. .. ما اتصور غرور
اي صحيح بخيل بالتقييم .. لان ما يجي ببالي اقيم.. غالبا مستعجل
اتمنى احصل عطلة واترك الدوام إلى غير رجعة ويصير عندي وكت كافي للاستمتاع و ايضا لمشاريعي الصغيرة.. بس للاسف ماكو
اكو فرق بين (الارسال) و بين (انه تخللي رقم تلفونك و الطرف الاخر ياخذه) .. عادة هنا الولد ينطي رقمه والبنية تاخذه مو ؟ الفارق هنا هو انه ما اريد يصير "ضغط" عل بنات بسبب احراجها من الولد بقضية (ارسال الرقم) .. اني ارفع هذا الحرج . و انطيها مطلق الحرية انه تروح تاخذه بنفسها من الملف (لان يكون فعلا هذه رغبتها) .. بينما اذا تم الارسال ممكن يسبب حرج للبنية .. القضية تشبه محاولة التحرش ببنية بدون رضاها
اذا هي طالبة الرقم اكيد الوضع اقل مخالفة .. بس هذا يتطلب اروح و اشوف البنية راضية لولا .. ودور بالمحادثات واطلع عل اشياء ... الافضل امنع الموضوع نهائيا
انشغال .. بس اتمنى ادخل واتفاعل واحشش .. بس عل عموم موقعي كمدير يخللي موضوع التفاعل معقد (مثلا اذا تفاعلت مع احدهم، وغيره ما تفاعلت معاه، راح يكون بالموضوع انعدام للعدالة)
صحيح اني ممكن اصنف كـ "قاسي القلب".. بحالات كثيرة نعم. ممكن الرحمة تختفي نهائيا من قلبي، و ممكن العكس تماما، بس هذا مو عشوائي، واله اسباب موضوعية في داخلي،١- سامر قاسي اذا خطأ احد وياه خطأ ممقصود بحسن نية وعتذر الف الف مرة ميسامحة .... لان نجرح معرف شنو نوع هذه القساوة الصارمة
هل هو تعلم او تأديب او توبيخ غير متسامح ابدا
٢- سامر مرات يفرض رأيه بس مؤدب جداً بالإقناع دائما يقنعني
لكن بالنهاية هو مستبد لكن عندة اسلوب مقنع
٣- سامر يتأثر جداً بمن حوله على الرغم يبين قوي لكن هو عكس ذلك
كنت خطأنه بتفسيره قوي وفولاذي
صدق القول ان كل انسان له ضعف خفي كنت أضنك جبل أظهرت عكس ذلك هل هذا صحيح
٤- انت مًو بارد تظاهر ب البرود لان انت المدير وبكيفك منطي مجال حتى تحافظ على مملكتك الدررية
ف انت لست بارد
هههههههههه خوش سلبيات واذا تريد بعد
تدري بيه نبيه وماكرة خخخخخ
.. اما قضية الضعف .. فكل انسان عنده نقطة او نقاط ضعف بالتأكيد. شكرا
كذلك اتصور هذا الموضوع بسبب قضية "سوزانا" الاخيرة اللي الكثيرين لحد الان يجهلون الظروف مال الموضوع على ارض الواقع، وحقيقة مو مهتم ابرر الموضوع
ما اشوف نفسي اناني، ولا متعجرف، ولا ظالم، ممكن اكون شديد ، و ممكن اكون عدواني في حالات معينة .. سالفة ارضاء طرف معين او كذا . ما اتصور، اشوف نفسي عادل (ولو براغماتي، بس عادل)
هواي عجوزي وكسول وتواصلك قليل بدرر(انت كلت هيج:٤)
وهم متقبل النقاش بقرارتك وحتى لو صار نقاش ، رايك ينفرض بحجة المدنية
اني مو لوتي غالبا .. ولا احاول اصير .. غالبا احب الصراحة والوضوح، بس ماكو مانع من استخدم بعض الطرق الملتوية احيانام* بدون حظر
سامر من زمان مشايفة بالدرر بس قبل جان يتواصل وحسب الي شفته بي هو :
مرات يحاول يصير لوتي وكذا
بعض تحشيشاته احس وجهه هيج
مجاملاته ناشفة جدننن
وداعن نشوفكم بعد ٤٢ ساعة
للعلم . غالبا اضحك بالحقيقة اذا اني اضحك بالمنتدى او المحادثة الفورية
قليل اجامل نعم.
شكرا
لا .. اني مدني للغاية .. و بالفعل اكو واعظ بداخلي .. بدون الواعظ المدني او حتى المتدين يكون شي سيء .. اني اعرف نفسي كليبرالي متفتح متدين بطريقتي الخاصة.. او مجرد مدني
اني ما اعترف بالشهادة الاكاديمية مهما علت .. ما اشتريها بربع بالحقيقة، وحتى شهادتي ينطبق عليها هذا الشي .. اللي اعترف بيه هو الخبرة المهنية والدقة والاجتهاد والعمق والانسانية و السرانية.. ما يهمني الاداري شنو شهادته، وبالحقيقة ما اسأل .. سلوكه خلال فترة تواجده تنطيني معطيات دقيقة عن صلاحيته للادارة او المراقبة من عدمها، وطبعا كذلك اراء النواب والمراقبين الاخرين وتواتر تلك الاراء يخللي الموضوع محسوم بالنسبة الي. شكرا
ما راح اجاوب عل موضوع سوزان .. اما جهود الاداريين تبقى بنفس الوتيرة او تهبط اممممم.. ممكن تهبط بسبب الزلازل، بس على اي حال حسب خبرتي، الزلازل ايضا ذات فائدة
اممم نادرا ما ضميري يأنبني .. نعم .. مرات امر على واحد واكف بالشارع الظهر و وانتبه اله متأخر و يصير ضميري يأنبني لان ما وكفتله بالسيارة .. بس غالبا اوكف هع .. عداها اي قرار اتخذه يكون عن قناعة تامة غير قابلة للنقاش
الكثير من الاغاني هنا مسموحة، وغيرها ما مسموحة، هذا الشي ما يتغير .. لسبب مهم، لان الاغاني العاطفية غالبا مرتبطة بـ "درجة من الهبوط" في نظر الناس رغم اعتقادي انه هي مو شرط تكون كذلك .. على اي حال هذا القسم من "الميديا" استغنيت عنه مهما كانت فائدته.مرحبا..
محاجي ويه سامر ولا مرة بس من دخلت بوقت صار سوء فهم ويايه هنا وفض
مااعرف شي عنك بس اريدك تقنعني بسبب يخليك تمنع نشر الاغاني هنا وهل ممكن بيوم تراجع هالقرار او تعمل استفتاء ع الاقل ؟
شكرا نايا
التوبة لرب العالمين غير التوبة الي .. اني مجرد انسان عندي مؤسسة اديرها او حياة اعيشها .. اللي يتوب لرب العالمين يريد يتقي عذابه (حسب مبناه) بالنسبة الي اذا احتمالية "التغير" او "الامل" قل لنسبة معينة ينسد باب التوبة عندي، اني انطي فرص واسامح و اسامح هواي .. و ما عندي مشكلة انه هذا الوضع يستمر إلى ما لا نهاية اذا اكو امل عندي انه هذا الشي راح يتغير نحو الايجاب، بس اذا اوصل لقناعة انه ما يتغير في لحظة خلص.
احجي براحتك بالعكس استمتعما اعرفه هواي
بس العرفته ان انسان صحبته الركبته
تهمه مصلحته فقطوملاحض برسايل الزوار ما ترد علاعضاء يعني احسك متكبر
وبعد هواي اشياء بس ما اريده يزعل ويلبسني القاط
راح اقرا هسه ارجع الكا حاضرني
اختلف معاك بكلمة "فقط" تهمني مصلحة الاخرين ثم مصلحتي (او مرات الاثنين يكونون بنفس الوزن) بس مستحيل مصلحتي تتقدم، وللمعلومات مرات اوصل إلى مستويات متطرفة في التضحية اذا اشوف الـ "subject" يستحق
شكرا
تمام .. اوافقك الرأي
ما ناشر فديو من زمان .. نعم بعض الفيديوهات ناصي الصوت .. بس هذا ما يخفي لطافة صوتي
ممكن .. و ما متندم، مع اعتذارنا للعضوة
اتصور هذا "التصور" غير منصف .. بسبب فقدانه للمعطيات الكافية .. حياتي الكثيرين داخل المنتدى ما يعرفوها علمود بالتالي يحكمون عليها ككل .
بس مع ذلك الكلام صحيح .. مفهوم الصداقة عندي مفهوم غامض .. اني اميل بالتعامل مع الناس والمعارف بمفهوم الانسانية اكثر من الصداقة .. اكدر ابقى سنوات طويلة بدون صديق او حتى اتكلم كلمة مع احد، ما اشتاق لاحد ، بس كلش اتأثر اذا سمعت احد اتأذى او يعاني حتى لو مو "صديقي" او غير مقرب، من احب شخص، بالحقيقة احبه مو لذاته، وانما لصفاته المعنوية او غيرها، او خل نكول لارتباط هذه الصفات بيه، و اذا "الصديق" قرر يقطع علاقته بيه يكون هذا قراره ما اجادل هواي
جاوبت بكلامي على لانا
جاوبت بكلامي على لانا
تر كلامي مع "اصدقائي" فقط مو كلش صحيح، بس بسبب كوني "مدير" ما اكدر "اشمر روحي" على احد (وخصوصا من البنات) خوفا من انه اسببلهم احراج او تكون بداخلهم عدم رغبة من "هذه الشمرة" لذلك افضل انه الشخص يبادرني علمود اتأكد يريد يتواصل معي، بنية او ولد،ع شنو الخوف
ولو كالو لاامان لكم يااهل الكوفه ويااهل العراق يااهل النفاق والشقاق
سمسم شخصية لطيفه جدا جدا ويونس حيل استمتع بمشاركاته وكلامة مع اصدقائه فقط
من سجلت في المنتدى اللي شدني مبادئه واخلاقيات والتزام عائلتي كولها عرفته ودخلت بي ك زائر او عضو كد مااسولف عن الالتزام وشكد محببتهم بي
لكن لمصلحة ربما بدله لمدني وفق اهواءه وضغط البعض
يداري ويجامل اصدقائة جدا جدا ومطبق القانون ع ضعيف والشريف محاط بطوق ذهبي لايسمح لااحد باان يتقرب لااحد منهم ويذب الصوج بقليل الذنوب لاحظت هالشي كثيييير عد اغلب الاداريين مو فقط سامر
مدني لان اني اكتشفت الشي اللي كنت ابحث عنه وهو المدنية .. بسبب تغير ارائي مثل ما اسلفت .. القضية ذاتية تماما بدون تأثر باي شخص
صحيح احنه "نجامل" الاشخاص الاكثر قدما اكثر من غيرهم، لسبب بسيط، انه نتوقع هذولي الاشخاص ارتكبوا مجرد هفوات، بينما الجديد ممكن يكون هذا طبعه ، و كذلك لان القديم (او الشريف) يكون حساس للغاية اذا ارتكبنا معاه خطأ .. ويخسر المنتدى احد ايقوناته، المساواة مو دائما معناها العدالة .. والقوانين مو انكتبت كنصوص علمود يتم تطبيقها بالتساوي عل اعضاء .. القضية قضية سياسة منتدى واني موصي عليها النواب والمراقبين.
اذب الصوج بقليل الذنوب لا
شكرا
اتصور لو يرجع الاشخاص (اللي محتك معاهم) في قرارة نفوسهم ما راح يلكون "تسلط" من قبلي او احساس بالنقص او سرعة بالغضب او تصرف مندفع .. ااذا اكو اتمنى اذا اكو شاهد .. غالبا القرارات اللي اتخذها تكون عن عناية و تفكير و ناتجة من وحدة المعالجة المنطقية بذهني.
مرحبا .. اذا تتصورين المدنية هي رفض كل ما جاء به الدين فأتصور جانبتي الصوابمرحباً سامر
صح كم مرة حاجيه وياك بس بصراحة ناسيه اسلوبك عموماً
- اتذكر انك مجامل جداً
- احسك مو مدني فعلاً او مدني جديد على السالفة
- بسبب انشغالك المستمر عن المنتدى اتوقع راح تفاجئنا بحلك لازمة الشرق الاوسط
منور
المدنية بالسياسة اتجاه سياسي معناه وضع مصلحة الدولة والمواطن فوق اي اعتبار، وبالمجتمع معناه الانفتاح وتقبل الرأي وتقبل الاخرين ومعتقداتهم (بشرط ما تضر احد) واتاحة حرية التعبير للاشخاص، وانه كرامة الانسان مقدسة بينما الاديان اقل قدسية بهواي .. هذا التعريف بالضبط اني مطبقه عل هذا المنتدى
ما اشوف نفسي كلش مجامل
اتمنى يجي فد يوم افاجئكم .. بس تبقى احلام اكثر مما تكون اهداف
1- مرحبا .. جاوبت عل قضية الصداقةتحية لنايا ولعريس الحفل النقدي استاد سامر الله يعينه الليلة على كم الردود والتبريرات الي راح يقدمها دفاعا عن نفسه وهو حقه وهناك مقولة ما نصها (أرضاء الناس غاية لاتدرك) ..ومن خلال متابعتي فكونت بعض السلبيات على لسان الأعضاء...
1..لا يعرف معنى الصديق وليس له صديق حقيقي غير ذاته.
2..يجامل كثيرا الجنس اللطيف وحدي مع الخشن .
3.حين يأخذ نفعه من أحد يرميه دون شكر حقيقي .
4..ادارته متسلطه دكتاتوريه (هتلرية).
5..يتصنع الديمقراطية ولكن هناك في قراره أشياء غريزية تناقضها.
6..متكبر ومغرور لدرجة عدم مبالاته بمشاعر الغير.
وهناك الكثير لم استنبطه من انتقادات الأعضاء وبالنسبه لي أكتفي بمستوى الردود وربما أعود في تكوين أنتقاد شخصي للعزيز سامر في وقت لاحق...
2- اكيد مع الجنس اللطيف اكثر نعومة بسبب "قابلية القابل" ، بس تحيز بالاحكام اطلاقا ماكو..
3- لا
4- لا
5- لا
6- لا
ممكن هذا يدل على انه اني تغيرت .. بس اتمنى للاحسن .. لان اذا للاسوء فكارثة هعمرة وحدة حجينا ع نادي الكوت
بس الي شفته ان الاعضاء القدامى الي طلعوا من المنتدى او الي شايفيك ع الواقع يحمدون بيك
بس الي استمروا هنا وصعدوا يذمون بيك
بس لحتى تكون بالصورة
هاي كل ما طلعتي بيههواي عجوزي وكسول وتواصلك قليل بدرر
وهم متقبل النقاش بقرارتك وحتى لو صار نقاش ، رايك ينفرض بحجة المدنية
صحيح عجوزي وكسول .. بس عندي فورات نشاط بين فترة وفترة
كتبت شوكت ممكن اتقبل النقاش، بس بشرط النقاش يوفرلي "معطى جديد" يخللي قناعتي تهتز
الكي هواي حجج مو شرط المدنية
خلصتوا ؟
