شنو ماكو رسائل بعد
الحد الان سامر ما حظر احد يعني بعدة ما معصب .. الي ينطي اقوى نقد لمدة شهر تقييماتي اله
صباح العافية
شنو ماكو رسائل بعد
الحد الان سامر ما حظر احد يعني بعدة ما معصب .. الي ينطي اقوى نقد لمدة شهر تقييماتي اله
صباح العافية
شكرا نايا على الموضوع
انا هنا عندي سؤال واحد لسامر فقط
ماهو الفرق بين برمجة عقول البشر وبرمجة الحاسوب
هل هي تحمل نفس المبدا ام هناك اختلاف
واعذرني سامر على السؤال الغريب بس من زمان ودي اسالك هذا السؤال
ما احب ادخل على هيچي مواضيع لأن الدخول الها مثل الدخول لمكان متأكد منه 100% انك راح تكون بخبر كان واخواتها.. سؤآلي الوحيد الفريد الي كل الاعضاء يفكرون بيه بس يخافون ان يسألون وهو( عود ليش ما تنطي تقييم لأي شخص واذا انطيت فهذا الشيء راح نسجله معجزة
وهمين منو اليقلد الثاني
)
السلام عليكم
في البدايه احب اشكرك على الموقع الاكثر من رائع واكلك الحمد لله على سلامتك لان صار فتره وانت ماكو.
اما الملاحظات اعتقد الاعضاء ماقصروا الله يعينك
ما ادري ليش الاعضاء من عرفوا ان الاخ سامر هو ضيف الموضوع
بعضهم صار وجهه احمر واصفر والبعض الاخر صار يتراجف من الخوف.
والبعض الاخر تشاهد الشهادتين وغمض عيونه ومدد رجليه ويديه للقبلة
يعني معقولة هيجي الاخ سامر عنيف ومخيف وما عنده يما ارحميني
ههههه
حقيقة اني ما متكلم مع اخ العزيز سامر من دخولي المنتدى ولحد هذه اللحظة
ولو حصل وتكلمت معاه فراح يكون هذا من دواعي سروري
وما اعرف عنه اي شي بس هذا الموضوع كان سبب بالنسبة لي للتعرف اكثر عليه
من خلال ردوده
بس يمكن اكتشفت نقطة ضعف عنده من خلال ردوده
وهي هاي الي تخليه عصبي المزاج وحاد وعنيف
هوة يكَول اني العب دومنة وما اعرف احسب واخسر
فأكيد دائما يموت الدوشيش بأيده ويخسر وتوكع الچايات براسه
فيجي عصبي وحاد اعتقد هوة هذا السبب
التعديل الأخير تم بواسطة الرميثي ; 13/August/2018 الساعة 7:01 pm
الصراحة ما عندي خلك ادور سلبيات و إيجابيات عن احد لكن بالنسبة الي , بالمنتدى القيم و المبادئ و القوانين المدنية غير مهمة بقدر ما تكون التجارة مهمة او مربحة لصاحبها و لذلك نشوف المنتدى مليء بالتناقضات و هالشي مو غريب لان هو يعكس جزء من الواقع العراقي المتناقض لذلك ما عندي اعتراض ع القوانين او بالأحرى اني مقاريهن حتى اعترض
....
اكو خاطرة او شعر او معرف شنو يسموها بيها كلام عن الاله فالكل يكتب ابداع من ضمنهم المشرف/ة الفلاني فنسخت نفس السطر خليته برسائل إلى الله بحركة متعمدة فتم حذفه من المشرف/ة لان تجاوز يعني فد مثال عن الحذف دون فهم للمكتوب يعني ي/تفهم حسب القسم هههه و لانه الشي ضحكني ما اعترضت
التعديل الأخير تم بواسطة Hunter ; 13/August/2018 الساعة 8:48 pm
خبصتونه ياهو التلزمه يكول راح انحضر .
هسه اجيت شفت المعلقين ولا واحد محضور .
بس المشكله اهاليهم من البارحه يدورون عليهم ماكو
لو راضين بالحضر مو احسنلكم
لا عمي طلع مو بخيل والبارحه جفتني بتقييم ابو العشرة .
ههههههه عبالي بس انا اجاني تقييمالمشاركة الأصلية كتبت بواسطة فقار الكرخي
خبصتونه ياهو التلزمه يكول راح انحضر .
هسه اجيت شفت المعلقين ولا واحد محضور .
بس المشكله اهاليهم من البارحه يدورون عليهم ماكو
لو راضين بالحضر مو احسنلكم
لا عمي طلع مو بخيل والبارحه جفتني بتقييم ابو العشرة .
فدوة سامر كل فترة سويلنه تقييمات باعتبار تحفيز ههههه
بالنسبة لي وبشكل عام ( سامر ) هو انسان وهذا مو شيء قليل طبعاً ، ان يتحلى البشر بصفة الانسانية شيء عظيم ..
مال اجامل اصدقائي هاي سالفة
سامر احد الاصدقاء الي احبهم جداً وتعجبني جداً اطروحاته ونقاشاته واخلاقه وصفاته التي اعرفها طبعاً ..
هو شخص ناجح وطموح بامتياز
اما على صعيد المنتدى وما فهمته انه اقيم على اسس ومبادئ قبل اقامته على الربح ، اتصور ، المهم جداً لسامر ان يكون المنتدى مستمراً فقط اكثر من انه يدر ربحاً ...
هناك بعض التناقضات بالقوانين متفهمة جيداً وضعت لترضي اكبر عدد من الاعضاء ومؤسس المنتدى بالدرجة الاساس ، وارى ليس مهما ان نتقبل كل القوانين بقدر ما هو مهم احترام الرأي الاخر
لكن لو طلب مني مثلاً تشخيص بعض السلبيات ممكن ابدي رأيي
كذلك والكثير ممن يوافقوني ( على سامر الغاء تغيير اسم العضوية للاعضاء ) وارجاع الامر بالسماح للتغير مرتين فقط بعلم الادارة والاعلان .
كذلك ان يكون اختيار المشرف والمراقب والنائب على قدر من الثقافة وايلاء الموضوع الاهمية لتلافي بعض الاشكالات داخل المنتدى . ووضع موضوع او مقال لهم عن ماهية القوانين والتعامل مع ضرورياتها .
لا انتقص من المشرفين والمراقبين والنواب ابداً لكننا رأينا بعض الاخفاقات بالتعامل . وقلتها مرارا ( ياريت كل المشرفين والمراقبين والنواب يتعاملون مع الاعضاء مثل سامر )
ما اعرف كلامي الفوگ شنو نوعه لكنها فرصة جميلة ان نكون بالقرب من سامر
# نايا العزيزة
السؤال هذا مكانه مو هنا، بس على اي حال البرمجة هي "ترتيب" الاشياء بحيث تعمل لاحقا كما تريد لها ان تعمل، و في خضم هذه العملية انت تحسب جميع الاحتمالات الممكنة التي سيصادفها النظام الذي تقوم ببرمجته، و تضع لها حلول مسبقة، هذا يعمل بشكل كمالي على الجمادات التي لا تمتلك الارادة الحرة مثل الحاسوب
العقل البشري قضية اخرى، بسبب امتلاكه الارادة الحرة التي تعمل وفقا للمنطق الذي يجري داخل عقل الانسان، ولكن ممكن ان يتم طمس "وحدة المعالجة المنطقية" في داخل عقل الانسان وتحويل تلك الارادة الحرة التي يتمتع بها لتنفيذ اجندات معينة او اتجاه معين، مثل ما يجري في مسألة المتطرفين الدينيين السنة والشيعة، حيث يتم تحضير اجوبة يعتمدها العقل البشري يعتمد على امور غيبية، وليست منطقية، تقوم بتوجيه الانسان ذو العقل نحو نهج معين، بالطبع لا يستطيع الانسان الالتزام بالبرنامج بكل تفاصيله مثل الحاسوب، ولكن يمكنه الالتزام بالنهج العام المراد للانسان اتباعه
على اي حال الاستخدام الدائم لـ "وحدة المعالجة المنطقية" داخل عقل الانسان متعب للغاية، الانسان يميل للتعود على امور معينة يفعلها دون تفكير او تحديد الاساسات المنطقية لها، لذلك قد يكون من الضروري ان يتم برمجة العقول بالاتجاهات الايجابية، مثل جعل البشر يتعودون على اتباع القوانين التي تحفظ النظام وتؤكد على الانسانية والوطنية وغيرها من الامور التي تعرف على اساس انها محمودة .. لا امتلك في الحقيقة تفاصيل كثيرة عن الموضوع.
شكرا
تكلمت سابقا عن التقييمات .. على اي حال ليفاي عنده مستقبلما احب ادخل على هيچي مواضيع لأن الدخول الها مثل الدخول لمكان متأكد منه 100% انك راح تكون بخبر كان واخواتها
ههههه لا .. ما اضوج .. اتقبل الخسارة لان في اي لحظة معينة، دائما ممكن تخسر او تربح وفق احتمالية معينة، ماكو ربح مستمر بالحياة ولا خسارة مستمرة .. على اي حال كل ما بيدنا احنه البشر اصحاب الارادة الحرة، انه نحاول انه نرجح الاحتمالات لصالحنا.
