هنا

[د. حسن سعيد]

اهم شي مخلي الدرر سهل الاستعمال للمكفوفين عاشت ايدك كابتن سامر بدربك خلي النقاط الايجابية لأن النقد يشمل السلب والايجاب

[Sωeeτ]

تتقييم ؟

[fairy touch]

مرحبا ....
من صار التصويت على الفكرة ..كنت من المعارضين ، لأسباب ذكرتها بوقتها ، و ما زلت مؤمنة ان ان هكذا مواضيع تثير المشاحنات و تخلي الشخص يحس بظلم كبير ..و كأنه كل الناس تعاديه و تشوفه مو زين ...لأن ببساطة رح يوگف بنص بحر من النقد السلبي.
و لكن دا اتابع بين سطر وسطر الموضوع ..و من بدت استضافة سامر ، كنت قريبة حتى اشوف الاعضاء شلون ينظرون لشخص اكثرهم ما يعرفوه ...و ما متعاملين وياه هواية ..
الكل رفع لافتة الديكتاتور سامر ..
اغلبكم متفقين انه شايف نفسه ..
الغريب انه سامر في اجاباته كان الابعد عن الدفاع ..بل اتخذ موقف بارد ..و كأنما روبوتي ..بدون مشاعر ..
الحقيقة ..هذا وجه سامر اللي يتعامل بيه كمدير هنا ..و على مدى سنوات ..سامر اكتسب الصفة الروبوتية شوية شوية ..و صار التعامل البارد وية المشاكل و حلها بالطرق البعيدة عن المشاعر هو اسلوبه .
بس يا ترى انتو تعرفون منو سامر ؟
و شنو سامر ؟
اني اعرفه من ٢٠٠٨ ...خل شوية احاول اوصفه
- سامر هو الصديق اللي يوگف لصديقه وقت الحاجة ...اللي ابدا ما فد يوم طلبت منه مساعدة و اعتذر ..
- سامر هو الشخص الصادق ...
- سامر هو الانسان اللي تنطيه ظهرك و انت مأمن انه ما يغدر لأن اخلاقه عالية ..
- سامر هو شخص يسعى لتطوير نفسه علميا و انسانيا .
- سامر الصديق اللي انقطع عن حتى مجرد السلام عليه لشهور ، و من ارجع احچي وياه لسبب او موضوع طارىء ، ما احسه متبدل او ضايج او يگول بس من تحتاج شي تتواصل وياية ..
- سامر انسان يعترف بخطأه و يصلحه بس مو شرط يسوي اعلان و اعتراف على الملأ ..
- سامر صارلي ١٠ سنوات اعرفه ..مثال للأخ اللي الواحد يضمه للزمن ..و اني متأكدة من هالكلام .

ماكو واحد بينا ملاك ...بس الزين ، زين ... و الزين ما لازم نغمط حقه .
​تحياتي للجميع ..و لك نايا ..ولأخي الحقيقي سامر على سعة صدره .

[Asinat]

أجعل نفسك ميزانا لغيرك ...خلال أطلاعي لما ذكر من سلبيات عن الصديق العزيز سامر ...كلت ويا روحي لو كان البعض بمكانه لربما كانوا أكثر انصافا وعذروا الكثير والكثير جدااا :ما معنى أن تكون انسان ,مؤسس ,مبرمج ,مدير ووووو...ويبقى أرضاء الناس غاية لاتدرك...
أؤيد كلام دكتورة فيري وبشدددة ...
- سامر هو الشخص الصادق ...أقدسها لهل صفة عنده (((لكونها نادرة عند الشباب:خصوصا بالعالم الأفتراضي ...متصالح مع نفسه ... )))100% صححح
- سامر هو الانسان اللي تنطيه ظهرك و انت مأمن انه ما يغدر لأن اخلاقه عالية .%100أتفق
سامر هو الصديق اللي يوگف لصديقه وقت الحاجة ...فعلا أتفق جدااا
- سامر الصديق اللي انقطع عن حتى مجرد السلام عليه لشهور ، و من ارجع احچي وياه لسبب او موضوع طارىء ، ما احسه متبدل او ضايج او يگول بس من تحتاج شي تتواصل وياية ..100أؤيد %
...مثال للأخ اللي الواحد يضمه للزمن...أؤيد100%

[الرميثي]

حقيقة استغل وجود الاخ سامر هنا
لاطرح موضوع ولو خارج سياق الحديث
ولكن هو في بالي من زمان
توجد خاصية حذف الموضوع وبشكل مفتوح عند كل عضو ولكل الاقسام
وكذلك غلق الموضوع عند البعض الاخر
وخصوصاً من تجاوزت مشاركاتهم الــ 1000 مشاركة
فاشوف لو تكون هناك مدة معينة للتحكم كأن تكون ساعة او ساعتين
وبعدها لايستطيع العضو ان يحذف او يعدل على موضوعه
فمن غير المعقول ان يطرح عضو مثلا في قسم الاسئلة والاجوبة سؤال
ثم تدخل عليه مجموعة من الاعضاء للجواب على هذا السؤال
قد تصل الى 3 صفحات وبعد ذلك يدخل العضو صاحب الموضوع ويحذفه
فالموضوع اولا يستفيد منه الاعضاء والزوار
وثانيا يستفيد منه المنتدى في ارشفة ( Google )
وثالثاً ما ذنب الاعضاء بعد كل هذا البحث واستقصاء الجواب يروح كل هذا التعب

فلو تعالج لنا هذا الموضوع صديقي العزيز مشكوراً خدمةً للصالح العام

[Suzana]

سامر عرفته سنة 2009 بالمنتديات اللي كنا بيها سابقا ، فد شخص مرتب من كل النواحي.. انيق بأخلاقه ..ذكاء خارق سريع البديهية جدا .. لطيف المعشر .. اجتماعي لدرجة كبيرة ومثقف جدا ..ودود جدا ، كثير الاعتذار ( يستخدم كلمة آسف اهواية) وهذه الثقافة مو اي شخص يجيدها .. رائع الطباع متفاني و ذو اخلاق عالية.. انساني جدا .. حيادي جدا ماينحاز لاي شخص على حساب آخر ،صبور بشكل اتحمل الكثير من همومنا واذيتنا بالمنتديات ..ماكو مشكلة وماعنده حل الها بفعل حنكته وذكاءه المتقد ،مايحب المديح بس سوري هذه ايجابياتك
خسارة كبيرة للعراق انه هيج كفاءة ووعي وثقافة وبهالقدر العظيم هذا لحد الان ما ماخذ دوره بالعملية السياسية وبقيادة العراق ..
بالفترة الاخيرة اتحملني اهواي كان ضغط عليه بالمنتدى كولش چبير وانعكس سلبا عليه .. والان اود الاعتذار منه امام الجميع واتمنى انه يقبل اعتذاري ..
سامر سعيدة جدا بالعمل معك وبالتوفيق في حياتك

[Mohammed K.F]

سامر ايجابياته اكثر من ان تحصيها مشاركة، فلو لم نذكر الا انجازه ببناء هذا المنتدى وصموده حتى الان مع قوة مواقع التواصل الاجتماعي لكان كافيا دون ذكر باقي ايجابياته..وعلى نحو الايجاز اذكر من ايجابياته:
- سامر لطيف، مرح، متزن، متواضع جدا
- من خلال ردوده لاحظت اعترافه ببعض ( السلبيات)، حقيقة هذا الامر يحتاج لشجاعة ولا يستطيع ايٌ كان ان يكون بهذا المستوى
- ذكي جدا وسياسي محنك وله قدرة غير طبيعية باقناع المقابل
- مثقف بمستوى عالٍ
- دائما لديه حلول للمشاكل، وحتى الان لم اسمع بوجود مشكلة استعصت عليه
- انسان خلوق جدا
والاهم


ما اعرف هذا التقييم رشوة لو لاسباب اخرى
تحية لك اخ سامر واتشرف بمعرفتك والعمل معك
لنايا مع كل الود

[نـايـا]

من سلبيات سامر ..ميحب واحد يذكر ايجابياتة
هذي رسالتي اجت متأخرة


شكرا جزيلا لكم جميعا

[انسان ثاني]

بصراحة اني حاقد على سامر لان مرة حچينه ما ادري بشنو بس وعدني گلي حالياً مشغول اترك الموضوع و الك مني عزيمة ، گتله خاف ما توفي بوعدك گلي اني دليمي و احنه اهل الكرم و لحد الان كلشي ماشايف منه

الخلاصة اناشد امير قبيلة دليم ، اطلبكم مفطح على لحم غزال و سوب لسان العصفور ^__^

[فقار الكرخي]

اكلكم
ذكرنه سلبياته جفتنه بتقييم ابو العشرة
لعد من نذكر ايجابياته شراح ينطي