مرحبا ... ما اتصور اكو تناقضات فعلية .. ممكن التفاصيل تتعارض بسبب تشعب الاحتمالات .. بس اتصور السياسة العامة (اللي ممكن نفهمها من السياق العام للقوانين) واضحة وتتمثل بالآتي:المشاركة الأصلية كتبت بواسطة Hunter
- منع الضرر على الاعضاء
- الحفاظ على المصداقية
- توفير اجواء ممتعة
- تقليل "الفوضى" إلى اقل حد ممكن.
اللي تشوفه مليء بالتناقضات .. هو بسبب محاولة الموازنة بين الكثير من الامور المتعارضة، طبعا هذه "المحاولة" مو شرط تكون ناجحة 100% .. بس على اي حال اي محاولة للتقرب من "الوسطية" في كل الامور هي ذات نتائج ايجابية
قضية التجارة والارباح، الهدف الاساسي من هذا الموقع ليس "تجاري" بصورة مطلقة، .. لو كان الهدف تجاري كانت لتكون السياسة مختلفة إلى حد كبير، تخيل بس شنو ممكن انه نسمح بيه داخل هذا المنتدى اذا كان الهدف تجاري بحت .. تخيلت ؟ .. بس مع ذلك ضروري انه "المنتدى يصرف على نفسه" لان هذا المنتدى الضخم يحتاج بنية تحتية ذات كلفة تدفع بصورة دورية لاجل استمرار كل شيء يعمل كما مراد له، مثل:
- ايجار المزودات اللي يعمل عليها الموقع
- ايجار النطاقات
- ايجار الروابط الامنة https
- تراخيص السكربتات
- وقتي اللي اصرفه على الامور الفنية اللي ممكن استغله في شيء آخر.
شوف .. هسة مثلا الروابط الامنة (HTTPS) اللي تسبب ظهور كلمة Secure بالمتصفح في بداية الرابط، هذه اني ما مجبور اسويها من الناحية التجارية، بالعكس عدم وجودها يخلليني احتاج مزود اقل قدرة (لان ما يحتاج لمعالجة التشفير/فك التشفير، و بدون دفع ايجار او ترخيص الها، بالاضافة إلى "الهوسة البرمجية" مالتها .. بس لغرض انه تكون معلومات العضو الخاصة مشفرة بين الموقع و بين المزود (بدون امكانية اعتراضها بالطريق من قبل الحكومات او شركات الانترنت او غيرهم لغرض تحليل النصوص) وبالتالي توفير حماية لخصوصية العضو بكافة انشطته داخل المنتدى .. هذا مثال بس.
بالنسبة لهفوات الإداريين وعدم موضوعيتهم .. تأكد اذا ردت انطي الصلاحيات فقط للناس الموضوعيين، فحتى اني ما اخللي روحي، عدم الموضوعية (Subjectivity) صفة متأصلة في الانسان و ما ممكن الخلاص منها، بس ممكن تقليل تأثيرها، وهذا اللي نحاول نسويه من خلال القوانين وواجبات المشرفين وغيرها، تصير الهفوات .. بس اني ما واعد احد بنظام بتنظيم الهي على اي حال
نورت
