mp3
ودعتك وطال السفر ..والليل عشته ابلا كمر
شمعه شبابك ماترد ..الا بظهور المنتظر
&&&&&
ودعتك ونور الوجه مثل البدر توه اكتمل
وبغيبتك حتى الكمر عاف السمه وبعدك نزل
كلما اشوفن كبتك من عدها يكتلني الخجل
لو عمري يتبدل الك بدلته لو يرهم بدل
بعده الربيع بأوله ..والورد مات بأكمله ..
بجفاك مايرجع ورد ...الا بظهور المنتظر ..
******
اهواي تنشدني بعجب شنهي السبب لزيارته
باب المراد ومادرو كل طاعه الله بطاعته
ويطوف حجه ويعتمر كلمن يطوف بكبته
انت القميص اليوسفي ترد النظر ياشوفتك
عطر النبوه بالهوه ....منزلتك ويوسف سوه
والفوز لله والحمد ...الا بظهور المنتظر
######
بالكاظميه المايمر خسران دنيه وآخره
كاظيهه يكنس بالفحم ويعوف هاي الجوهره
يالردت سلسله الذهب والدين توصل مصدره
غصن الجواد يوصلك يم جذر شجره حيدره
شجره وجذرها بالسمه ..نص من علي ونص فاطمه
هاي النجاة لكل عبد ...الا بظهور المنتظر
^^^^^^^
يبن الرضا وكلما شفت شاب وشهيد اتذكرك
قدوتهم انته بكل زمن بعيوني هيج اتصورك
والراد يسأل ع السبب ننتهي ومانتعذرلك
كل دمنه يصرخ كربله هذا الولائي المشترك
كل شيعي لاسمك ينتمي ..عقد الولايه الفاطمي
محد عرف سر العقد ..الا بظهور المنتظر
"""""""""
يمحير اعقول البشر بالمعرفه وبعدك صبي
بسنينك السبعه وجنت عمرك مثل عمر النبي
ناديتهم من منبرك عن جدي علمي وعن أبي
حقي الإمامة من العرش والينكر الحق ناصبي
ونطيتهم يحيى المثل ..والخالفوك أهل الجهل
والنكر حقك يرتشي ..الا بظهور المنتظر ..
"""""""""
تشهد رسائل والدك وانت بصباك وراسلك
لو ما شهد بيك الرضا ماجان وداهن الك
لو ما عرف بيك الولي جا قتل غيره قاتلك
خانك وسمك بالغدر مالزم سيف ونازلك
ابسط صفات المعتصم ..ماواجهك مثل الزلم
والثأر يرجع والمجد ...الا بظهور المنتظر
^^^^^
يا سر محمد بالسمه ويا سر علي فوك الأرض
فرض الصلاه واجب واشد مثل الصلاه حبك فرض
عن حق وجوب محبتك ندري اليبغضك يعترض
لازم يجي بيوم الزمن بيك المخالف يتعض
كلمن نكر حق الولي ..يعترف تاليها بعلي
نؤمن بهاي ونعتقد ...الا بظهور المنتظر
---------
لشاعر :ناظم الحاشي
،
،
رد مع اقتباس
