السلام عليكم
حبدي بمعلومات هن يمكن مو كلش غريبات
1وضعيتي ووشخصي على النت تختلف عن الواقع ، لساني كيبوردي كلش ، بالنت ممكن ماخذين عني انو لسان وكذا وبكل مواقع همين ، بس بالحقيقه هادئه وماينسمع صوتي اصلا .
2-حلمي ادخل طب عام جامعة بغداد ، السنه طلعت معدل قريب على حلمي ، بس بسبب قبولات السنه ومعدلات العاليه ووضعية امتحانات .. قررت اعيد لان فرق بين معدلي وحلمي شكم درجه ، ان شاء الله اكون كدها السنه الجايه واحقق ل اريده .
3-مسالمه كلش وماحقد على احد ، وماعرف اهدد احد مهما كان الشي ، بسيطه بتصرفاتي ، متواضعه كلش .
4ماعدي صديقات كولش قليلات ، على النت وحده او اثنين وبالواقع فقط وحده اعتبرها صديقه وبقيه عابرات .
4اكثر شي ياذيني بهل حياة ، فقد والدي ، الاب نعمه مستحيل احد يكدر يعوضها مهما كان حجم التعويض ، سابقاً كنت اضوج لما كان والدي ينصحني بشي معين وهسه فهمتكلشي نصائحه ببالي ، حافظوا على اهلكم وحبوهم لان الفقدان شي صعب مو اي احد يتحمله.
5علاقتي ووي ربي علاقه مزاجيه ... لما اني فرحانه اصلي ولما حزينه هم اصلي واقرا قران لكن بمزاجي مو دائما استمر بصلاتي احيانا اقطع واضوج منها وبعدين لا رجع مشتاقتلها .
6اكثر شي احبه هو الدراسه .. سابقا كنت اكرها بس حاليا علاقتي قويه بدراسه والحمد الله على هل شي بلحظه اكتشفت انو شهاده هي قيمة للانسان.
7اكثر شي انزعج منه ، هو النفاق ، ممكن انافق انا اي بس انت لا .
8 علاقتي وي اهلي زينه ، احب عائلتي كلش .
9 اجتماعيه جدا ، احب السفر والطلعات العائلية .
10 مواصفات شريك حياتي ، انو يكون رجال بتصرفاته ويحترمني ويحبني ومايهمني المظهر الخارجي ولاحت المادة .
11اكثر شي احبه ، الاطفال .. اتخبل لما اشوف طفل وسخ نظيف اثنينهم بالحظن ... كولش احب الاطفال اعشقهم ، وخصوصا البريئين .
12 اخاف من الموت ، احسه فدشي عظيم دائما يجي ابالي انو حياة عبارة عن دوره، الانسان لما يموت ماكدر اشوفه بعد ينتهي .. بس مؤمنه بالله كولش واكره احاديث الالحاد وغيرهم ، احب ايماني بربي .
13_احب اشاهد الافلام الاكشن والرعب ، واحب الافلام كارتون ، روحي كولش طفوليه مهما كبرت
14-احب اللبس والمكياج ، هذولي عشقي ، ل
طريقة لبسي فري والبعض يعتبرونه شي مبالغ بي ، بس اني مقتنعه بي واهلي راضين علي وهذا يكفي . مكياج اخلي مكياج بشكل رهيب ارسمه رسم بس هذا مايعني انو اني م حلوه بس احب ازيد من جمالي .
15-اعتني ببشرتي كولش هواي ، ماسك القهوه يوميه اسوي وماتعب منه ، رغم هوه مرتين بالاسبوع ، شعري كلش اعتني بي ، مستحيل اهمله .
16احب الاغاني الهادئية ،اعشق كاظم الساهر ، احسه قدوتي مرات خخ ، احب اغاني كولش هواي ، ااحسه فدشي خيالي ، اتمنى ازوجه بعد
17. ماحب الاعراس والحفلات العامه .
18احب الاكل هواي ولو بيدي اكل. هواي خخ ، وزني 65 وطولي 168 ّ
وشكرا
رد مع اقتباس
احلام وردية نوسا
