أبلايه شفه
أبـلايه شفـه
الموت صاح
بشر عيونك يـنايم
اليـريد أيـعيش باجر يركب بـريل العمايم
اگعد اگعد
صار شـوك التربـه باهت
والجوامع فاهيه بـعين السكاره
وخوفي لا يرخص الدين وربـكم ايصبح خساره
بـيا حلم ضيعت عينك
بـيا بخت جرحك تنيـنك
خذو من گلبك گصيبه وقشمروك بـحاسبينك
وهمه بيمن حاسبينك
حاسبينك لـ الضحك للـبيع للـچلمه الرخيصه
يابساتين البنفسج عين روحك
الك ثلـثين بمطرهم ليش يابس
فنك تكض الشمس وتگودها الباب الحرامي
اكعد اكعد
ديـرم أشفاف الصريفـه وشيلها بواهس مضيف
وسگف العوز بعباتـه
الـصدك نـادر يفزع اگلاده الخواتـه
أمس جان الـغيم خيـر
ايـبدي روحه
ويـن ما عد الله حب
ومايـعطله دعـاء
الكاع من فكت صدرها
مطرت الدنيه عصافير وشـلب
اي يـشيال الگماري
أشـتري النعشك أمتون
ولبس ثياب النشامـه التـرست العفيـه هلاهل
كل عشگ تكبر بعينـه لو متت فوك الرسايل
م
رد مع اقتباس
