هنا

[فقار الكرخي]

يل حطوك لعيون الحد كحله
شلك بل چفن دشداشتك احله
ماتدري!!!
ماتدري الوجع كل ما يچل اليل يستفگد گلب شاعر
يفز ابجرحي فزت قائد امن ايشوف جندي وغافي بل ساتر
يعذبني ويعذبني
يعذبني ويگضي اليل بس يسئل

هيه احچايه بين الوردة والفلاح ليش أوصلت للمنجل

حرام اهواي وردة الما امفتحه اتموت

الكاسر نومتك ياريت
كاسر مسحت الدفان والتابوت
يل متعلگ ابعينك حلم عريس

ندري الموت ياخذ روح كل انسان

بس الگبر ضيج حيل مايوسع حلم عرسان

الصبح من رادوا ايشيعون لحينه عل الجناز
ردنه اياخر الموعد
اصويحبنه ونعرفك زين نومت تعب نايم والعصر تگعد
يامن ضحكتك چانت ستر للعين
طاحت وانفضحنه ادموع
لا نگدر نوگف الماي بل نهران
لا نگدر نوگف قصنك المگطوع

حياتك ما درينا اشلون نبچي اعليك من گالو ذبل حلمك
نبچيلك دمع صحبان لو نبچي ابمچان امك





عبدالله عمراني

[عدنان الواثق]

مؤثرة جدا فقار الجنة والخلود لشهدائنا جميعا

[Ph. Zahraa]

حلو فقار
الجنة و البقاء لشهداءنا

[سمراء من قوم عيسى]

مؤلم
احسنت النشر

[فقار الكرخي]

منورين

[قـَســم ✞]

جميل

شكراً

[فقار الكرخي]

نورتي